Тугры юл

- Кемнән сорыйм, кемнән алыйм,
Яшәү көчен, дисәң, беразга?
Иренеп ятып, калдырмыйк без,
Фарыз намазларын казага.
Үз бәхетен суга салып агыза.
Таң алдыннан йоклап ятучы.
Көн буена җитәр бар шатлыкның,
Шул намазда көмеш ачкычы!
Ястүдән соң узган ничек бу көн,
Чагыштыр да, үзең чамала.
Бер кемнән дә сорап, ялынып йөрмә,
Яшәү көче ята намазда.
- Йоклар өчен төнне бирдем! – ди, Ул,
Түгел таңны. Таңны каршы ал.
Һич күпертеп әйтмим, табыныңда
Көтеп торыр сине май да бал...
– Коръән Кәрим бүләк иттем сезгә,
Көтәсез, ди тагын ни – нәрсә?
Яшәү көче шунда, эзлик шуннан,
Бәхетне без җуеп җибәрсәк.
Уку гына җитми, туку кирәк,
Һәр аятен Коръән Кәримнең.
Бу баткактан чыгу өчен безгә,
Тугры юл бүтән күренми.
Еллар аша киләчәкне күреп,
Кабул иткән Болгар бабайлар,
Дин Исламда яшәп гомер итсен,
Безнең дәвам, безнең балалар!
Барча, барча татарлар!

Хәмид Вәлиди