Щардал Пир-МухIаммад
Щардал Пир-МухIаммад
МухIаммад Идавсил ﷺ хIадис бур: «Аьлимтал – Идавстурал варисталли» тIисса. Аллагьнал ﷻ цIимилийну мукунсса варистал жулва Дагъусттаннайгу чансса бакъар.
Аьлимтуравасса ца Пир-МухIаммадлул зиярат бур Лакрал райондалийсса Щардал шяраву. Хъинну хъунмасса даражалул щейх КьахIиблиясса ХIасан-Афандинал луттираву чивчуну бур Пир-МухIаммад ивкIшиву щейх Мамма-Дибир ар-Рочил муридну, цувагу Щардал шяравасса хъунасса аьлимчу ивкIссар куну бур.
Щардал шяраву ялапар хъанахъисса агьулданул бусаврин бувну, га хъунмасса даражалул вали ивкIун ур. ХIакьинусса кьини Пир-МухIаммадлул биография, мунал тухум-тайпалия кIулсса, бусан шайсса цучIав акъар.
Ва аьлимчунал бусравшиву жунма чIалай бур, коммунизмалул чIумал Щардал шяравусса мизитгума лекьан бувсса, зияратрайн щилчIав ка щуну дакъар. Аллагьнал ﷻ Цалва цIимилийну, Цана ххирасса валинал зиярат бурувччуну бур.
