ХIажи МухIиддин ал-Гъумуки

ХIажи МухIиддин ал-Гъумуки

Гъумук Кьадинахъал тухумраву ивкIун ур хъунасса аьлимчу. Му цувагу ивкIун ур арнил ва зунттал шамхалтурал канихьсса кIанттул кьади. Кьадинахъал бусалардах вичIи диширча, ХIажи-МухIиддин Дагъусттан бусурман буван увкIсса Абу-Муслимлущал архIал Шамлияту увкIсса аьлимчу ивкIун ур. ОьрчIал оьрчIая яла къалагайсса кьадишиву мунан дуллуну диркIун дур щайх Абу Муслимлул.

 

Гъумучатусса Зияуттин-кьадинал чирчуну дур насаб ХIажи-МухIиддиннуйн дияннинсса. Ганих бургарча ХIажи-МухIиддин му Зияуттин кьадинал 15-чинма ппу ивкIун ур.

Гъумук, цIанакулсса хъун школданул махъ щинал архирацI ХIажи-МухIиддиннун бацIан бувсса кIяла чару бивкIун бур. КIяла чарил чIаравгу ардас дикIайва тIар. ЦIанакул му кIяла чаругу цила кIанттава ялавай лавгун, аьрщаравун бахьлавгун цичIав чIалачIи дувансса куццуй бакъар. Аммарив жунма жула дакIниву тачIав хъамаритан къабучIиссар абадлий ва аьлимчунал цIа.

 

 

Аьйшат ХIажиева

2026-08-01 (Сафар 1448 ш.) №8.


Ссятрал мутталий дурсса эбадатраяр ххирасса махъру

Дунияллийсса оьрму Аллагьу Тааьланал жунма буллуну бур Цала рязишиву тIалав дуллай, цIимилийн умуд бивхьуну яхъананшиврул. Аллагьнал, жува ххирану, мурадру щаллу бавугу бигьа бувну бур. Цала ИдавсийхчIин ﷺ Заннал жунма баян бувну бур цумирив хъунмасса чири хьуншиврул дувайсса бигьасса эбадатру....


Мавлудрал барз

Рабиуль-авваль – бусурманнал календарьданул шамулчинмур барзри. Ва ккаллиссар яла агьаммий зурдардивасса цану. Жунма кIулсса куццуй, Рабиуль-авваль барз барачат хьуссар Аллагьнал ﷻ махъа-махъсса Илчи ﷺ, жуна ххирасса МухIаммад Идавс ﷺ дунияллийн уккаврийну. Идавс ﷺ халкьуннан рахIмуну,...


ХIакьсса мяърипат

ЦIанасса социал сетирдал заманнай сакин хьуну бур аьжаивсса масала: жула дакIнил энергия кьатIурдай дурган дурну, цайминнайх дарчIуну, кулпатран так увхсса, ссахчIав гъира бакъасса инсан личIлай ур. Мукунсса тагьарданул кулпатраву тIааьндакъашивуртту чIяру дуллай дур, лас ва щар кунная ку арх...


Хъинмунил гьану

Имам Муслимлул луттираву бур укунсса хIадис: «МухIаммад Идавсил ﷺ увкуна: "Аллагь Тааьла МарцIмари, марцIмур дакъа кьамулгу къадуваймари».   Кьуръандалуву Аллагьнал ﷻ халкьуннайн амру бувссар идавстурайхчIин: «Зу дукияра марцIмур, тIуллугу хъинсса дуллали»...


МухIаммад Идавсил ﷺ оьрмулия

Идавс ﷺ дунияллийн увкун, мунал ниттин Аминатлун ккарккун дур муная нанисса нур, лагмамур чаннагу дурну марцI дуккан дуллалисса.   Ца ппурттуву чIавасса МухIаммад ﷺ оьрчIащал тIуркIу тIий уна, муначIан увкIун малаик Жабраил, тIитIин бувну Идавсил ﷺ хъазам, мунал къюкI мусил тIясраву зам-зам...