ДучIиннал оьрчIангу – бахшишру

Жула республикалул Хъуншагьрулий дуклаки оьрчIал дянив бачин бувну буссия 40 кIюрххил чак мизитраву баврил акция. «МукьцIалва кIюрххил чак мизитраву» тIисса ва марафондалий гьуртту хьуну бур МахIачкъалалиясса ва лагмаялттусса кIанттаясса 1500 оьрчI. Ванил хIасиллу дуллалисса мажлис хьунни МахIачкъалалив Дусшиврул Къатраву. Шикку кIунтти бивчуну бахшишру дуллунни лях личIан къабивтун кIюрххил чакру буллай бивкIсса 100 оьрчIан, барча бувунни гайннал нину-буттахъул.

КIунтти бивчуну бахшиш къадирсса оьрчIру пашман къабаншиврул, акция сакин дурминнал спонсортал лявкъуну, машан ларсун дия 700 велосипед. Гай дулаву хьунни Ися идавсил цIанийсса рувхIанийсса центрдануву.

Шикку гьуртту хьунни ЦIуссалакрал райондалул (Новостройрал) ДучIиннал шяраватусса оьрчIругу, «ЦIуссалакрал райондалул жагьилтал» тIисса ккурандалул бакIчи Минкаил Рамазановлул каялувшиврийну. Вайнангу дуллунни цIусса велосипедру.

Вайнна мукьцIалва кIюрххил чак имамнащал бувсса вирттаврал цIарду: Оьмаров Камил, ХIусайнов Шайхали, ХIусайнов Султан, Рамазанов Шамсутдин, Рамазанов Амир, Рамазанов МухIамад-Аьли, Гуйдалаев Сурхай ва Гуйдалаева Камила.

Арсланаьли Сулайманов

2026-02-01 (Шяъбан 1447 ш.) №2.

Нитти-буттан аькьува дулаву Нитти-буттан зарал буван, къаччан бикIан буван я мазрайну, я канийну цукунчIав къабучIиссар. ХIатта, ми чапурну буну, цува бусурманну ухьурчагу, миннай рахIму-цIими, хIурмат буван, хъун буван, хъинмала буван, ябуван оьрчIай ялувссар. Нитти-буттан аькьува дулайсса...

34-мур бакI Халкь хъинмунийн гьуз учин баву ва бунагьмуния буруччаву Хъинмунийн кIункIу баву ва бунагьмуния буруччаву – хъинбаларду буллан буюр баву ва оьбала баврий къадагъа дишаву хъанахъиссар. Ибну Аьббаслул бувсун бур цала цIувххуну бивкIшиву МухIаммад Идавсихь ﷺ:...

КIюрххил ва гьанттайнмай хъама мабитав буккин: – «Аятуль-Курси́» – Сура «Аль-Ихляс» (3-ва) – Сура «Аль-Фалякь» (3-ва) – Сура «Ан-Нас» (3-ва) – Дуаь – Убайлул цIувххуну бур (жиндалухь): «Жу зуяту...

Ттизаманнул Сириянал диндалул аьлимчу АхIмад Шарифлул бувсун бур укунсса бусала. Ца инсаннал цIувххуну бур аькьлукарнахь: «Инсантураву яла махIатталмур цумур хасиятри?» Аькьлукарнал жаваб дуллуну дур: Инсантуран оьрчIшиву бизар хьуну, анаварну хъуни хьун ччан бикIай, амма...

Щинавун оькьлакьисса инсан ккаккарча, га ххассал уваншиврул зума зия дуван бучIиссарив (щинавун ххяххарча майравух ягу кьацIливух щин духхан бюхъай)? Оьвкьуну нанисса инсан ххассал уваншиврул зума зия дуван ихтияр дуссар, ялунгума, чара бакъа ххассал уванмур буван аьркинссар. Амма мукун лирчIсса...

ДучIиннал оьрчIангу – бахшишру