Ца суралул мяъна

Ца суралул мяъна

Ва суралийн «Алам нашрахI» тIисса цIа учай, амма ванил тIайласса цIа – «ШархI» ягу «ИнширахI» учайссар. Аьрабрая таржума буварча, ва мукъул мяъна хъанахъиссар «гьарта шаву». Ваниву бувсун буссар МухIаммад Идавсил ﷺ къума ларгун диркIсса дакI Аллагь Тааьланал ххари даврия (гьарта даврия). Бувсун буссар Идавсин ﷺ Заннал буллусса тамансса хъунисса неъматирттая, Идавс ﷺ дунияллий ва ахиратраву хъун аврия.

Яла бувсун бур Исламрал цIа гьаз дуллалисса, диндалул ххуллу бачин буллалисса чIумалсса захIматшивурттая ва цукуннугу махъра-махъ бигьашиву дучIаншивруя.

Суралул ахирданий амру бувну бур, Исламрал ххуллийн оьвчаву къадуллалисса чIумал щаллуну Аллагьнайн ﷻ икрам-эбадат даврихун агьу увкуну.

Ва сура МухIаммад Идавсин ﷺ ликкан бувссар «ЗухIа» тIисса суралул хъирив, цуппагу, цаппара аьлимтурал тIимунийн бувну, ганил кIилчинмур бутIа кунмассар.

2026-08-01 (Сафар 1448 ш.) №8.


25-ва тикрал бува

Маэшат гьарта хьуншиврул ишла бувайсса багьантту цIухлалими чан къашай. Миннувату яла агьаммур, гьанумур цила чIумал ххювагу чак бавури, циняр шартIру, рукнурду, адабругу щаллу дурну, хъирив дуккайсса азкардугу дурккуну.   Мукунма, маэшат гьарза хьуншиврул хъинссар зухIа-чак баву, шанан утту...


ХIакьсса мяърипат

ЦIанасса социал сетирдал заманнай сакин хьуну бур аьжаивсса масала: жула дакIнил энергия кьатIурдай дурган дурну, цайминнайх дарчIуну, кулпатран так увхсса, ссахчIав гъира бакъасса инсан личIлай ур. Мукунсса тагьарданул кулпатраву тIааьндакъашивуртту чIяру дуллай дур, лас ва щар кунная ку арх...


Вихьлив оьрчIру ттуплий бувккунни

Вихьлив хьунни Ккуллал райондалий дарсирдайн мизитирттавун бучIайсса оьрчIал дянивсса футболданул турнир.   Ванил агьаммур мурад бия оьрчIал дянивсса дусшиву цIакь даву ва спортрах гъира бутаву. Турнирданул сиптачиталну бувккунни «Ккуллал райондалул жагьилтал» тIисса ккурандалул каялувчи...


МухIаммад Идавсил ﷺ оьрмулия

Идавс ﷺ дунияллийн увкун, мунал ниттин Аминатлун ккарккун дур муная нанисса нур, лагмамур чаннагу дурну марцI дуккан дуллалисса.   Ца ппурттуву чIавасса МухIаммад ﷺ оьрчIащал тIуркIу тIий уна, муначIан увкIун малаик Жабраил, тIитIин бувну Идавсил ﷺ хъазам, мунал къюкI мусил тIясраву зам-зам...


Аькьлукар ва халиф

Халиф Гьарун Рашидлул заманнай ивкIун ур Багьлюль тIисса салихIсса аькьлукар. Халиф чIун-чIумуй ганащал хьунаавкьуну ихтилат бувайсса бивкIун бур. Гьаруннул хъярч бувсса чIумалгу Багьлюллул хъинну аькьилсса жавабру дулайсса диркIун дур.   Ца кьини халифнал Багьлюль цачIана учIан увну,...