Аькьлукарнал насихIатру

Аькьлукарнал насихIатру

Ттизаманнул Сириянал диндалул аьлимчу АхIмад Шарифлул бувсун бур укунсса бусала.

Ца инсаннал цIувххуну бур аькьлукарнахь: «Инсантураву яла махIатталмур цумур хасиятри?»

Аькьлукарнал жаваб дуллуну дур:

1. Инсантуран оьрчIшиву бизар хьуну, анаварну хъуни хьун ччан бикIай, амма хъуни шайхту махъунмай оьрчIшиврувун багьан хьурдай тIун бикIай.
2. Хъус ляхълай чурххал цIуллушиву харж дувай, яла цIуллушиву зана дуваншиврул хъус харж дуллан бикIай.
3. Ялун бучIантIимуния пикрилий, цалва цIанасса оьрму хъама битай. Мукун яхъанай, цавагу бакъа личIай.
4. ТачIав ликъатIунсса кунма яхъанан бикIай, яла яхъанайвагу къабивкIсса кунма дунияллия лагай.

Га инсаннал ялагу цIувххуну бур: «Оьрмулува цукунсса дарсру ласун аьркинссар?»

Аькьлукарнал куну бур:

1. Зу цайминнан ххира къахьунтIиссару, амма ххуйсса, тIааьнсса аьмал-хасиятрайну цинявннан ххира хьунтIиссару.
2. Зува цайминнащал архIал мабихьларди, цайминнаха лащан мабулларди.
3. Гьарманай цIими бишин, циняв багъишла битлан лахьхьияра.
4. Пикри къабувну увкусса мукъулгума зунма ххираминнал дакIурдийн хъинну куртIсса, хъин дуваншиврул чIярусса шинну аьркинсса щавурду диян дурну лякъайссар.
5. Яла аваданма – му хъус чIярума акъарча, думуний гьашиву дуваймари.
6. КIулну бикIи, буссар зува хъинну ххирасса, амма ххирашиву бусан къакIулсса инсантал.
7. КIия инсан цара ца задрах буругларчагу, гайннан га зад личIи-личIину чIалан бюхъайссар.
8. Цанма къаччан бикIан бувма багъишла итан къахъанахъиманан бюхъайссар цанмагу цайминнахь багъишла итаву чIа учин багьлай бикIан.

МухIаммад ХIажиев