Алфу ссалам хьуннав...
ТIабибнаха - назму, Заннаха - хIамди,
Бунагьрал аьпвуну тIайла дацIаннав.
Гъарибсса дакIнива бувккун лавгцири
МустIафа Идавсил салават хьуннав.
ХIамдирал Залуннах ХIабибнал иман,
ХIимаятраяту цIимилул бутIа –
На бигьай ccиxIpyгy циняв санаъри,
Аьрщарал Залуннайн ссаламну хьуннав.
Ттул дакIнил щугълугу салаватрури,
МустIафа Идавсил ﷺ салават хьуннав.
Ширваннал илданий вил малаиктал,
ДакIнил тIабибталну чIарав бацIаннав.
Зунттурдал мукъахсса вил ххира Усттаз
Нурданул чирахъну дакIний ацIаннав.
Аьрщарава бувксса якъутирал мурхь
Муъминтурал чурхру хъюлчай тIи бай, тIap.
Мурхьирал леххаву аьрщарайн ларсун,
ЦIимилул Залуннахь аьфву чIа чай, тIap.
ЦIимилул хьулурду тIитIайсса чIумал
Вил ялун тIитIиннав шариаьтрал ттарцI.
Тавпикьрал рахIматру бувайсса чIумал
Вил ялун дияннав тIарикъатрал нур.
ЦIимилул янийну буругай чIумал
Даин уруганнав бусурмантурах.
Чассагул гьаннардайн - тавпикьрал рахIмат,
Имандалул мурхьру тIутIайх бичиннав.
Гьуйннал paтIyx нани тасаввуфрал нех
Бакбивссуцириннал чурхру марцI бай, тIap.
Файзирал цIакьшиву дацIан къадуван
Арцул магъи дача ВицIхъиял paтIyx.
ЧIаящиял шярав хIакъикъатрал хIавз
ХIавчIцириннал дакIру аьчух дувай, тIap.
Нифакърал щамарал хьама къадакьин
Заргалтал батIира мусил къуппа бан.
Дарвиштурал хIачIай шавкъирал шараб
Буччиннин хIачIийча щайхнал муридтал.
Аькъилтурал букай алжаннул тIyтIи
Мукьахун бюкъача, щайхнал муридтал.
Ахттарай дирирсса Лайлатул къадри
Мурад хIасул бара, щайхнал муридтал.
Канихьхьун биривсса ляълу-жавагъир,
Мюхчанну ябара, щайхнал муридтал.
Иблислул къеп куну, хьхьирийн къабутан,
Гъапулгу машару, щайхнал муридтал.
Баргъ ялату лавгун, ххютуй ливчIминнай
Жавгъар хьхьирийн багъну, махIрум хьуная,
ДакIнил чирахъ левщун, цIаннай ливчIная
Алфу ссалам хьуннав, дакIнил тIабибнайн.
ТIарикъат, шариаьт, элму хIакъикъат,
Идавсил хIукмурду бутIурай лавсма,
Ширваннаву бутIа бутIурай лавсма,
Щалва Дагъусттаннайх мюнпат бавчIума,
Вил зумату буккай лайлатул вирхху
Къурагъсса аьрщарайх рахIматну хьуннав.
Муридтурайн дувай вил ххира назар
Ляълу-жавгъар хьуну, дакIний бацIаннав.
Файзирал буцIайсса алжаннул хIужра
Дужжагъирал хьхьичIух пардавну хьуннав.
Дагъусттан чанна бай сулувкрал хьхъири
Вил ялув дацIаннав щала Дин-Ислам.
Эшкьилул хIужралий шавкъирал мажлис,
ХIикматрал хьхьириву ляълу-жавагъир
МахIаммад-апанни, аьзизсса Усттаз,
Зулмат чанна бувай нурданул мяъдан,
Къасават къанналий чирахъну хьуннав.
ХIазратул къуддусрай, ттеркъюкъал къуплий
Назарданух хьусса мухлис муридтал
Назардий дуаьлий личIи къабаннав.
