Дуаьрду

Дуаьрду

Бунагьсса тIул хьурча

МухIаммад Идавсил ﷺ хIадисраву увкуну бур: «Цалва бувсса бунагьирттая тавба дурма бувагу бунагь къабувма кунассар». Цамур хIадисраву увкуну бур шамилва:

اَسْتَغْفِرُ اللهَ الْعَظِيمَ الَّذِى لَا اِلَهَ اِلَّا هُوَ الْحَىُّ الْقَيُّومَ وَأَتُوبُ اِلَيْهِ

«Астагъфируллагьаль-аьзима л-лязи ля илягьа илля гьуваль хIайяль кьаййюма ва атубу иляйгьи» увкуманал бунагьру шюшайссар [хъун бунагьру личIаннин]», – куну.

Мяъна: «На чIа тIий ура бувсса бунагьру багъишла битаву Цувалусса, Мудан Уттавасса, гьарзадрай Каялувшиву дусса Аллагьнахь ﷻ. На Аллагьнал ﷻ хьхьичI тавба дуллай ура».

ДакIнивун пашманшиву дурххукун

اَللَّهُمَّ اِنِّى أَعُوذُ بِكَ مِنَ الْهَمِّ وَالْحَزَنِ وَأَعُوذُ بِكَ مِنَ الْعَجْزِ وَالْكَسَلِ وَأَعُوذُ بِكَ مِنَ الْجُبْنِ وَالْبُخْلِ

«Аллагьумма инни аоьзу бика миналь гьамми валь хIазани ва аоьузу бика миналь аьжзи валь касали ва аоьузу бика миналь жубни валь бухли».

Мяъна: «Я Аллагь, на Вихь чIа тIий ура уруччаву дардирдая ва пашманшивруя, заэвшивруя ва курчIилшивруя, нигьа усаврия ва мяшшивруя».

Вихьра макI бувманахасса дуаь

خَيْرًا رَأَيْتَ وَخَيْرًا يَكُونُ وَخَيْرًا لَنَا وَشَرٌّ لِأَعْدَائِنَا وَالْحَمْدُ للهِ رَبِّ الْعَالَمِينَ

«Хайран раайта ва хайран якуну ва хайран лана ва шаррун лиаъдаина вальхIамдулиЛлагьи раббиль аьламин».

Мяъна: «Вин хъинмур ккавкссар ва хъинмур хьунтIиссар, хъинбала жунма, оьбала – жула душмантувран. Щукру Аллагьнайнгу – гьарзадрал Заннайн ﷻ».

Къатта-къушлилсса буллан захIмат хъанан бивкIукун

Къатлува увккун най унува учайссар

بِسْمِ اللهِ عَلَى نَفْسِى وَمَا لِى وَدِينِى. اَللَّهُمَّ رَضِّنِى بِقَضَائِكَ وَبَارِكْ لِى فِيمَا قُدِّرَ لِى حَتَى لاَ أُحِبُ تُعْجِيلَ مَا أَخَّرْتَ وَلاَ تَأْخِيرَ مَا عَجَّلْتَ

«Бисмиллагьи аьла нафси ва мали ва дини. Аллагьумма раззини бикьазаика ва барик ли фи ма кьуддира ли хIатта ла ухIиббу тяъжила ма аххарта ва ла таахира ма аьжжальта»

Мяъна: «Аллагьнал ﷻ цIанищал ттул чурхгу, хъусгу, дингу. Я Аллагь, на рязи ува вила хIукмулия, ттун нясив бувмуний барачат биша, Ина махъун дуртмур анавар дуккан дуван ва хьхьичI дуллумур махъун дутан ттун ччан къабикIаншиврул».