Мюнпатсса дуаьртту

Мюнпатсса дуаьртту

Мажлисрава бивзукун

سُبْحَنَكَ اَللَّهُمَّ وَبِحَمْدِكَ، أَشْهَدُ أَنْ لَا اِلَهَ اِلَّا أَنْتَ أَسْتَغْفِرُكَ وَأَتُوبُ اِلَيْكَ

«СубхIанака-Ллагьумма ва бихIамдика ашгьаду алла илагьа илла анта астагъфирука ва атубу илайка».

Мяъна: «Я Аллагь! Ина марцIссара Вил Хъуншиврун лайкь дакъасса диялдакъашивурттая. Вийнни щукру, на барашинна дуллай ура Ина акъа цама зал акъашиву. На чIа тIий ура ттулва бунагьру шюшаву, бувсса бунагьирттая пашманну Вил хьхьичI тавба дуллай ура».

Аллагь ﷻ хъама ивтсса, мюнпат бакъасса ихтилат бувсса кIанттава бивзун бавчукун

سُبْحَانَكَ اَللَّهُمَّ وَبِحَمْدِكَ أّشْهَدُ أَنْ لَا اِلَهَ اِلَّا أَنْتَ أَسْتَغْفِرُكَ وَأَتُوبُ اِلَيْكَ عَمِلْتُ سُوءًا وَظَلَمْتُ نَفْسِى فَاغْفِرْ لِى فَاِنَّهُ لَا يَغْفِرُ الذُّنُوبَ اِلاَّ أَنْتَ

«СубхIанака-Ллагьумма ва бихIамдика ашгьаду алла илагьа илла анта астагъфирука ва атубу илайка. Аьмильту суан ва заламту нафси фагъфирли фаиннагьу ла ягъфиру ззунуба илла анта».

Мяъна:« Я Аллагь! Ина марцIссара Вил Хъуншиврун лайкь дакъасса диялдакъашивурттая. Вийнни щукру, на барашинна дуллай ура Ина акъа цама зал акъашиву. На чIа тIий ура ттулва бунагьру шюшаву, бувсса бунагьирттая пашманну Вил хьхьичI тавба дуллай ура. На бував оьсса аьмал ва ттунма нава оьбала бував, ттул ялтту учIу, бунагьру багъишла битайма так Инарача».

ДакIниву дард дусса чIумал

لَا اِلَهَ اِلَّا اللهُ الْعَظِيمُ الْحَلِيمُ، لَا اِلَهَ اِلَّا اللهُ رَبُّ الْعَرْشِ الْعَظِيمِ، لَا اِلَهَ اِلَّا اللهُ رَبُّ سَمَوَاتِ وَرَبُّ الْاَرْضِ وَرَبُّ الْعَرْشِ الْكَرِيمُ

«Ла илагьа илла Ллагьуль аьзимуль хIалиму. Ла илагьа илла Ллагьу раббуль аьршиль аьзими. Ла илагьа илла Ллагьу раббу ссамавати ва раббуль арзи ва раббуль аьршиль карим».

Мяъна: «Эбадат дуван лайкьма так ца Аллагьри ﷻ, Бюхттулссар, ХIалимссар. Эбадат дуван лайкьма так ца Аллагьри ﷻ, Бюхттулсса Аьрширал Заллури. Эбадат дуван лайкьма так ца Аллагьри ﷻ, ссавруннал, аьрщарал ва Авурсса Аьрширал Заллури».

Оьккисса макI ккаккарча

أَعُوذُ بِكَلِمَاتِ اللهِ التَّامَّاتِ مِنْ غَضَبِهِ وَعِقَابِهِ، وَشَرِّ عِبِادِهِ، وَمِنْ هَمَزَاتِ الشَّيَاطِينِ وَأَنْ يَحْضُرُونِ

«Аоьузу бикалимати Ллагьи т-таммати мин гъазабигьи ва экьабигьи, ва шарри эбадигьи, ва мин гьамазати щаятIини, ва ан яхIзуруни».

Мяъна: «Аллагьнал камилсса мукъурттийну на уруччаву тIалав дуллай ура Заннал ﷻ сситтуя ва танмихIрая, Заннал ﷻ лагъартуннаясса заралунния, щяйтIантрал нава бунагьмунин кIункIу аврия, ва ттучIанма щяйтIант бучIаврия».

Щарсса дурцума барча увайсса куц (цIуну сакин хьусса кулпатрахасса дуаь)

بَارَكَ اللهُ لَكَ، وَبَارَكَ عَلَيْكَ، وَجَمَعَ بَيْنَكُمَا فِى خَيْرٍ

«БаракаЛлагьу лака, ва барака аьлайка, ва жамааь байнакума фи хайр».

Мяъна: «Аллагьнал ﷻ вий барачат бишиннав, вил ялунгу барачатшиву ликканнав, зул дянивгу хъиншиву хьуннав».

Цаманал цанна ккарксса макI бувсукун

خَيْرًا رَأَيْتَ وَخَيْرًا يَكُونُ وَخَيْرًا لَنَا وَشَرٌّ لِأَعْدَائِنَا وَالْحَمْدُ للهِ رَبِّ الْعَالَمِينَ

«Хайран раайта ва хайран якуну ва хайран лана ва шаррун лиаъдаина вальхIамдулиЛлагьи раббиль аьламин».

Мяъна: «Вин хъинмур ккавкссар ва хъинмур хьунтIиссар, хъинбала жунма, оьбала – жула душмантуран. Щукру Аллагьнайнгу – гьарзадрал Заннайн ﷻ».