Лелуххантрал баян

Ажартту, аьнакIив ичIува ябаву хъинссар, барачатссар. Мискин-пакьирнал ятту – аьнакIив, ажарттур увкуну бур.

Хаcнува, ажарттул фазилартту чIяруссар. Муниву идавстурал тIуллаятусса чIярусса тIуллу дуссар: Аллагь ﷻ кIицI лагаву чIяруссар, яру шанайнугу, дакI шанай къадикIайссар, чувшиву дуссар, сахаватлувшиву дуссар, къаракул цIакьссар, залуннал кьайрал къаралчири, чIаххурал къаралчири, чIу ххуйссар. Ми тIуллу мунияту муъмичувнан лахьхьингума лайкьссар. Ажарттун чаклил чIун хьушивугу кIул шайссар. Адам Алжаннава лухччинийн ливксса чIумал мунан эбадат дайсса чIун къакIулну диркIссар.

Яла Аллагьнал ﷻ ссавруннаяту ца ажари ликкан бувссар Адамлун u, мунийну мунан чак байсса, эбадат дайсса чIун кIул хьуншиврул. Мунингу ссавруннайсса малаиктурал тасбихI, эбадатрал чIу баллай бивкIссар. Му чIумал га ажарттул эоь куну тасбихI дайсса дикIссар. Мунил дурукун Адамлул цалла дайсса эбадат дуллай ивкIссар. Ялагу Аллагьу Тааьланал ца ажари ляхъан бувну буссар куну бур Аьрщирал лув, кIира хъагу дусса ца машрикьрайн, ца магьрибрайн дирсса. Хьхьунил ахир гъан хьувкун, му ажарттул гьарца хьхьуну кIюрххицIун хъаттирдугу рирщуну «субхIанал маликил кьуддус» куну эоь куну тасбихI дайссар. Му чIумал лухччинийсса ажарттал мунихьхьун жавабран хъаттирдугу рирщуну эоь учайссар. Мунил эоьлул мяънагу – Аллагь ﷻ кицI лагияра тIиссар. Муниятур ажарттуйн оь махъ учаву, рищаву къахъинсса.

Ажарттавагу кIяламур хъинссар. Му бусса кIантайн щяйтIан гъан къашайссар, ссихIирчи гъан къашайссар, зарал байсса шатта, кIулу, кьюрщалу, хIашаратру гъан къашайссар. Ажари Идавсил дусри, иблислул душманни. Иблислун ажарттуяр къаччисса лелуххи бакъассар. Расулуллагьнал ﷺ му цува усса къатлувугума битайва тIар, хIатта инсаннан мунил ххирашиву кIулссания арцу-мусийх ласланссия. Мукунма ичIува, къатраву хьхьиру битавугу хъинссар. Гьарца идавсил къатта мий бакъасса къавхьуссар, миннул чаклийн чантI учин увайссар, цIуцIаврия уруччайссар. Мий бакъасса къатравусса оьрчIащал щяйтIантрал махсартту буллан бикIайссар. Хьхьиру бухьурча миннул оьрчIру цивппа къабитайссар.

«НасихIатуль аьвам» («ГьунчIукьатIан»)

2026-08-01 (Сафар 1448 ш.) №8.

Инсан цуксса дин дусса, иман цIакьсса ухьурчагу, оьрму щаллу буваншиврул ганан чара бакъа аьркинссар лякъин хъус, дукия, цува дузал увансса маэшат буллан. Цува ва цала кулпат щаллу баву – цумацагу бусурманчунал буржри, чак, зума ва цаймигу диндалул тIалавшиннарду куннасса. Дунияллул...

ЦIанасса социал сетирдал заманнай сакин хьуну бур аьжаивсса масала: жула дакIнил энергия кьатIурдай дурган дурну, цайминнайх дарчIуну, кулпатран так увхсса, ссахчIав гъира бакъасса инсан личIлай ур. Мукунсса тагьарданул кулпатраву тIааьндакъашивуртту чIяру дуллай дур, лас ва щар кунная ку арх...

Бур ца-цавай къатри, личIину авадансса ва хъуслил бувцIусса бакъахьурчагу, гиву бигьану ссихI ласун шайсса, дакI дигьа лагайсса. Гивун буххайхту кIул шай: шиву рахIатшиву, барачат, гъелишиву дур. Мукунма, хьунабакьай цаймигу – ххирасса хъус-кьайлул бувцIусса, марцIшиврул пар-пар тIисса, амма...

Дунияллийсса оьрму Аллагьу Тааьланал жунма буллуну бур Цала рязишиву тIалав дуллай, цIимилийн умуд бивхьуну яхъананшиврул. Аллагьнал, жува ххирану, мурадру щаллу бавугу бигьа бувну бур. Цала ИдавсийхчIин ﷺ Заннал жунма баян бувну бур цумирив хъунмасса чири хьуншиврул дувайсса бигьасса эбадатру....

Маэшат гьарта хьуншиврул ишла бувайсса багьантту цIухлалими чан къашай. Миннувату яла агьаммур, гьанумур цила чIумал ххювагу чак бавури, циняр шартIру, рукнурду, адабругу щаллу дурну, хъирив дуккайсса азкардугу дурккуну. Мукунма, маэшат гьарза хьуншиврул хъинссар зухIа-чак баву, шанан утту...

Лелуххантрал баян