Вила ялув ацIу!

Вила ялув ацIу!

Исламрал жунма лахьхьин буллай бур чIаравминнай, гъанминнай аякьа дуван. Амма цаманай аякьа даву бакъасса, инсаннал буржри цалва чурххай аякьа давугу. ХIадисраву увкуну бур: «Зула чурххал хьхьичIгу бурж буссар, мунияту зума дугьлагьи ва ита дакьлакьи, чак-эбадатру дуллали ва шану лахълахъи». (Абудавуд).

Цалва чурххай аякьа давривун дагьайссар физкультура, хайр бусса дукия дукаву, дустуращал, диндалул уссурваращал хьуна бакьаву, ци-бунугу цIусса лахьхьаву, гьавалий сайр баву ва м. ц. Инсаннан цана цува ххирашиву – му цала гъалатIирттайн ва бунагьирттайн яру лакьаву бакъарча, цала диялдакъашивурду кIулну, ми ххуй чулиннай кIура даен дуван хIарачат бавур. Мукунсса инсаннаща бунагь личирча, пашман хьуну тавба дувайссар. Вила чурххал цIуллушиву хIурану духьурча, кулпатрай, оьрчIай, нитти-буттай аякьа дувангу къахьунтIиссар. ЦIакьсса чурх, марцIсса аькьлу бусса инсаннаща цала пиша, даву ххуйну дувангу бюхъантIиссар.

АСХIАБ ОЬМАРОВ

2026-09-01 (Рабиуль-Авваль 1448 ш.) №9.


ДакIнивусса загьру

ХьхьичIазаманнай ца душ щар хьуну, ласнал къатлуву ласнал ниттищал яхъанай бивкIун бур, ганиха къуллугъ буллай. Амма ласнал ниттил мудан ганий аьй-бювкьурду дуллай, яхI буван къабюхълай бивкIун бур. ХIукму бувну бур ласнал ниттин загьру буллуну дирчIан дуван.   Душ лавгун бур базаллуву...


Дуклаки оьрчIал нитти-буттан кумагран

ОьрчIру хъуни баву – ца чулуха захIматсса ва жаваблувшиву хъуннасса, вамур чулухагу ххарисса даву дур. Гьарцагу инсаннан ччиссар цала оьрчI-душ талихIрайн бувккун, дурккусса инсан хьуну. Аммарив чIявуминнан мукунсса хьуншиврул ци дуллан аьркинссарив кIулну къабикIай. На хIадур бував дуклаки оьрчIру...


Бархъаллал Маллайл шеъри

"Мажму́аьтул-аьша́р" тIисса луттирава. Бишлашиссар луттираву бусса куццуй.   (Дайдихьу хьхьичIмур номерданий)   Ружмарданул чак бувну камилну кьаст дуруна, Цалва-цалва агьлулухь хIалал бити увкуна. Къумамий тархъан бувну душманмий дакьил бувну, Цайва-цайва ялувсса хIакьру тIайла...


Рабиуль-Авваль зурул мажлис

Рабиуль-Авваль зуруй МухIаммад Идавс ﷺ хъун уллай мавлудру дувайсса аьдат дур бусурманнал дянив. Мукунсса мажлис хьунни августрал 24-нний Гъази-Гъумук. Ванил сиптачиталну бувккунни Лакрал райондалул имам ХIабиб Баталов ва райондалул администрация.   Мажлис бувуна паркраву, байбивхьуна...


Заннайн мютIисса кулпат

Кулпатрал оьрмулуву хъунмасса кIану бугьлагьиссар ласнал ва щарссанил дянивсса дакьаврил (гармониялул). Мунил хъунмур биялагу хъаннихьри. Ва макьалалуву бусанну цаппара маслихIатру, кулпат дакьаврил хIалданийн бучIан баву бигьа дуллалисса, цанчирча, мукунсса кулпатраву паракьатшиву, рахIатшиву ва...