Кказитран 30 шин

Кказитран 30 шин

«Ас-салам» кказитрал цалчинмур номер бувкссар 1994-ку шинал. Гания шинмай чIявуминнан ххира хьусса, чичлай даимсса кказитрал тиражгу, ита бакьлакьисса мазругу хъинну чIяву хьуссар. ХIакьинусса кьини 13 мазрай буккайссар.

 

Кказитрал юбилейран хас бувсса мажлис хьунни МахIачкъалаливсса «Дусшиврул къатраву». Кказитрал редакция ва буккулт барча буллалисса махъру лавхъунни Муфтийнал кумагчи Айна ХIамзатовал, Дагъусттаннал диндалул иширттал министр Энрик Муслимовлул, Шариаьтрал элмурдал доктор МухIаммад МухIаммадовлул, Аьрасатнал ХIаж-миссиялул каялувчи ХIизбуллагь Асуевлул, кказитрал хъунама редактор ХIасан МахIмудовлул.

Мероприятие дайдирхьуна МахIачкъалаллал Хъун мизитрал муадзин МухIаммадаьрип МахIаммадовлул Мубараксса Кьуръандалул сурарду буккаврия. Энрик Муслимовлул, Да-гъусттаннал бакIчи Сергей Меликовлул цIания бавтIциригу барча бувну, кIицI лавгуна кказитрал хъунмасса бутIа бихьлахьишиву, республикалий бакъа, щалва Аьрасатнавугу дин-мяърипат лахьхьин даврил ххуллий. Айна ХIамзатовал бувсунни, цуппа ва кказитрай зузисса ппурттуву цуку-цукунсса захIматшивуртту диркIссарив давриву.

Мажлисрай бахшишру дуллуна 13-гу мазрай ита бакьлакьисса кказитирттал редактортуран.

2026-09-01 (Рабиуль-Авваль 1448 ш.) №9.


Заннайн мютIисса кулпат

Кулпатрал оьрмулуву хъунмасса кIану бугьлагьиссар ласнал ва щарссанил дянивсса дакьаврил (гармониялул). Мунил хъунмур биялагу хъаннихьри. Ва макьалалуву бусанну цаппара маслихIатру, кулпат дакьаврил хIалданийн бучIан баву бигьа дуллалисса, цанчирча, мукунсса кулпатраву паракьатшиву, рахIатшиву ва...


Дуклаки оьрчIал нитти-буттан кумагран

ОьрчIру хъуни баву – ца чулуха захIматсса ва жаваблувшиву хъуннасса, вамур чулухагу ххарисса даву дур. Гьарцагу инсаннан ччиссар цала оьрчI-душ талихIрайн бувккун, дурккусса инсан хьуну. Аммарив чIявуминнан мукунсса хьуншиврул ци дуллан аьркинссарив кIулну къабикIай. На хIадур бував дуклаки оьрчIру...


Идавс ﷺ увсса къатта

Маккалул Бану Гьашим тIисса махIлалий буссар гьарцама бусурманчунал дакIниву ляличIисса кIану бугьлагьисса къатта. ХIакьину шикку библиотека бур, аммарив ца заманай ва кIанай бивкIссар щала дунияллул тарихрайн асар биян бувсса инсан – МухIаммад Идавс ﷺ ниттил увсса къатри. Идавсил ﷺ тухум...


Бархъаллал Маллайл шеъри

"Мажму́аьтул-аьша́р" тIисса луттирава. Бишлашиссар луттираву бусса куццуй.   (Дайдихьу хьхьичIмур номерданий)   Ружмарданул чак бувну камилну кьаст дуруна, Цалва-цалва агьлулухь хIалал бити увкуна. Къумамий тархъан бувну душманмий дакьил бувну, Цайва-цайва ялувсса хIакьру тIайла...


Хъинсса тIул-тIабиаьтраясса калимарду

Хъинсса тIул-тIабиаьтран хас бувну буссар тамансса, мусил багьасса махъру. Шикку чичинну миннувасса цаппара, гъафлатравун дахьларгсса дакIру кIукIлу хьуну, хъинсса тIуллу дуллан кIункIу дуваншиврул:   МухIаммад Идавсихь ﷺ цIувххуссар: «Бусурманнава цала диндалуву яла узданма...