ОьрчIал дянивсса конкурсру

ОьрчIал дянивсса конкурсру

Ккуллал райондалий хьунни гъинттул чIумал мизитиртавун дарсирдайн занай бивкIсса оьрчIал дянивсса диндалул конкурс. Ванил хIасиллу баян бувуна райондалул имам МухIаммадманнар Бариевлул сипталийну Ваччиял шяравусса кафелуву бувсса мажлисрай.

Цалчинмур кIану бувгьуну, 15000 къуруш ласун лайкь хьунни Ваччатусса Мусаев Залимхан, кIилчинмур кIану ва 10000 къуруш дурххунни Ваччатусса Нахаева Нуриял, 3-мур кIану бувгьусса ХIусманов Мямман пишкаш дурунни 5000 къуруш.

Мува куццуй, Лакрал райондалийгу хьунни оьрчIал дянивсса диндалул конкурс. Гьурттушин дурунни цинугу 65-ннийн бивсса дуклаки оьрчIал.

1-мур кIуну бувгьунни Кьубатусса Асаев Ражаблул, 2-мур – Щаратусса Ятуев АхIмадлул, 3-мур – Кьубатусса Халилов Шамиллул. Вайнанан дуллунни арцуйнусса бахшишру ва диндалун хасъсса суратру.

Мукунна бахшишру дуллунни 4-муния 9-мур кIантту бувгьусса оьрчIангу:

4 – Гъази-Гъумучатусса Ханов ХIасан-Басри.

5 – Гъази-Гъумучатусса Абакаров ХIабиб.

6 – Кьубатусса Аьлилова Назира.

7-8 – Кьубатусса Аьлилова Зарина ва Ибрагьимов Кьурбан.

9 – Щаратусса Маммаев Ислам.

КIантту къабувгьусса гьарца оьрчIангу дуллунни дакIний личIансса бахшишру.

Диндалулмур конкурсрая махъ оьрчIан дянив бувунни спортрал бяст-ччаллугу.