Путевка пишкаш дурунни

Путевка пишкаш дурунни

Путевка пишкаш дурунни

Лакрал райондалул имам МухIаммад Майрановлул оьмралийнсса (чIивимур хIажлийнсса) путевка пишкаш дунни «Ислам в Лакии» порталданул администратор Арсланаьли Сулаймановлун.

 

Ва лакрал миллатрал дянив дин цIакь шаврил ххуллийгу, лакку маз лахьхьаврил, яшаврил ххуллийгу хъуннасса даву дуллалисса, буттал улча дазу дакъа ххирасса, хIалимсса, хьхьичIун урувгсса жагьил ур.

Жу уттинингу бувсъссия, ва порталданул хIарачатрайну лакку маз лахьхьин ччиминнансса онлайн-курсру зузи бувну бушиву, вай курсирдая рязиссагу чIявусса бушиву. Дунияллул ччимур мурцIний, Ютуб каналданий ниттил мазрайсса дарсирдах вичIи дишин, урган бюхъаву хъунмасса тIайлабацIурхха. Цаймигу хайр-мюнпатрансса давуртту дуллай ур Арсланаьли паракьатну, иттав къаххяхлай.

– Ва бахшиш ттун хаварбакъулийсса хьунни. МухIаммадлул ттучIан чивчуна, оьмралийн гьан ччисса мурад бурив тIий. На ххаришиврул гьанавиххигума хьунав цахъис. Ва ттул цалчинсса аьрххир мубараксса аьрщарайнсса, жула МухIаммад ИдавсичIансса ﷺ, Ин ша Аллагь, сентябрь зурул 18-нний жула имам МухIаммад Майрановлущал ххуллийн буккантIиссару, – увкуна Арсланаьлил.

 

2026-09-01 (Рабиуль-Авваль 1448 ш.) №9.


Дуккаву бигьа хьуншиврул

Дайдирхьунни цIусса дуккаврил шин. Жунма кIулсса куццуй, Аллагьнал ﷻ цIа кIицI ларгун, Занная кумаг чIа увкуну дуллалисса давриву лябуккугу, барачатшивугу дикIайшиву. Дуккаву ккалли дуван бучIир ца яла захIматмур даврин. Мунин бувну, ва макьалалуву цачIун дурну дуссар дук-лакисса чIумал дурккуну...


ДакIнивусса загьру

ХьхьичIазаманнай ца душ щар хьуну, ласнал къатлуву ласнал ниттищал яхъанай бивкIун бур, ганиха къуллугъ буллай. Амма ласнал ниттил мудан ганий аьй-бювкьурду дуллай, яхI буван къабюхълай бивкIун бур. ХIукму бувну бур ласнал ниттин загьру буллуну дирчIан дуван.   Душ лавгун бур базаллуву...


Дуклаки оьрчIал нитти-буттан кумагран

ОьрчIру хъуни баву – ца чулуха захIматсса ва жаваблувшиву хъуннасса, вамур чулухагу ххарисса даву дур. Гьарцагу инсаннан ччиссар цала оьрчI-душ талихIрайн бувккун, дурккусса инсан хьуну. Аммарив чIявуминнан мукунсса хьуншиврул ци дуллан аьркинссарив кIулну къабикIай. На хIадур бував дуклаки оьрчIру...


Аькьлукартурал махъру

МухIаммад Идавсил ﷺ асхIаб Аьбдуллагь ибн Масъоьдлул увкуну бур: «Халкьуннал учай ххаллилсса махъру. Махъру ва тIуллу цасса инсанни талихIрайн уккантIисса. Махъру тIуллаха къалавхьхьума – аьй дуван лайкь хьумари».   Аьбдуллагь ибн Аьмрдухьхьун ца инсаннал буллуссар джигьадрал хIакъиравусса суал....


ТIайла буккан ва хьуна бакьин

Аллагьнал ﷻ халкь ляхъан бувну бур, цайва бивхьусса амрурду биттур буллай, дакIурдивусса мурадирттайн билланшиврул. Аллагьнал ﷻ амрурдугу так дин-чаклийну къуртал къашайссар, ми амрурдал вивлавсун буссар инсаннал щалва оьрму. Оьрмулул мутталий инсаннан чIявуну аьрххи-ссапарданийн уккан багьай....