Лакрал мажлис

Дагъусттаннал Муфтиятраву хьунни Лакрал райондалул имамтурал, диндалул иширттал зузалтрал ва гайннал кумагчитурал батIаву.

Мажлисраву гьуртту хьунни Муфтиятрал председатель Аьбдуллагь Салимов, Муфтийнал хъиривчу МухIаммад Мангъуев, зунттал округрайсса Муфтиятрал вакил Аьли Разакьов, райондалул имам МухIаммад Майранов, просвещениялул отделданул каялувчи Муъмин Насрудинов, Лаккуйсса «Инсан» фондрал хъунама Шихмурад ХIажимурадов, «Ас-салам» кказитрал вакил АьлиасхIаб Массуев, «Лакрал жагьилтурал ккурандалул» бакIчи Давуд Атаев, тарихчи Ильяс Къаяев, шяраваллал имамтал, кумагчитал, ишбажаранчитал.

Лакрал райондалийсса диндалул зузалтрал бувсуна дурсса ва дуван нанисса давурттая.

Мажлисрал ахирданий Муфтийнал чулуха бахшишру пишкаш дуруна «Ас-саламрал» вакил Аь. Массуевлун, «Инсан» фондрал каялувчи Ш. ХIажимурадовлун, тарихчи И. Къаяевлун ва лакку мазрайсса «Ас-салам» кказитрал редактор И. Оьмаровлун.

Шиккува баян бувуна Лакрал райондалул цIусса имамну ХIабиб Баталов ивтшиву.

2026-08-01 (Сафар 1448 ш.) №8.

Чак бяличIан буван бучIисса ишру цумири? Фаризасса ва ссуннатсса чак бяличIан баврил хIукмурду личIи-личIиссар. ЦукунчIавсса багьана бакъанува чак бяличIан буван къабучIиссар, хIарамссар. Амма хъуслин зарал шавриясса нигь куннасса тагьардануву чак бяличIан буван ихтияр дуссар. Чак буллалиманан...

Дунияллийсса оьрму Аллагьу Тааьланал жунма буллуну бур Цала рязишиву тIалав дуллай, цIимилийн умуд бивхьуну яхъананшиврул. Аллагьнал, жува ххирану, мурадру щаллу бавугу бигьа бувну бур. Цала ИдавсийхчIин ﷺ Заннал жунма баян бувну бур цумирив хъунмасса чири хьуншиврул дувайсса бигьасса эбадатру....

Рабиуль-авваль – бусурманнал календарьданул шамулчинмур барзри. Ва ккаллиссар яла агьаммий зурдардивасса цану. Жунма кIулсса куццуй, Рабиуль-авваль барз барачат хьуссар Аллагьнал ﷻ махъа-махъсса Илчи ﷺ, жуна ххирасса МухIаммад Идавс ﷺ дунияллийн уккаврийну. Идавс ﷺ халкьуннан рахIмуну,...

НицIавкIратусса щейх Сайфуллагь-Кьади Башларовлул «Сабат» ва «Мактубат» тIисса луттирдаву кIицI ларгун дур Сайид Абу Оьбайда бин Сайид Нуруддин аль-ХIусайни аль-Гъумуки ад-Дагъистани тIисса цIа. Шичча мяйжан хъанай бур Абу Оьбайда Гъумучатусса, МухIаммад Идавсил ﷺ душнил...

Бур ца-цавай къатри, личIину авадансса ва хъуслил бувцIусса бакъахьурчагу, гиву бигьану ссихI ласун шайсса, дакI дигьа лагайсса. Гивун буххайхту кIул шай: шиву рахIатшиву, барачат, гъелишиву дур. Мукунма, хьунабакьай цаймигу – ххирасса хъус-кьайлул бувцIусса, марцIшиврул пар-пар тIисса, амма...

Лакрал мажлис