Дуклан ччиминнан – къапурду тIивтIуссар
Дуклаки чIун къуртал шайхту, лахьхьу парталух щябивкIун бивкIсса оьрчIру байбишай дуклан буххансса кIанттул пикри буллай, цанчирча цаннасса сянат чIивинияцIа цинявннал язи къадугьай. ЧIявуминнан ччан бикIай школа бувккуну махъ анаварну хъуни инсантурал кунмасса оьрму байбишин, чийн хъар къавхьуну яхъанан. Мукун яхъанан хъинну ялув бавцIуну лахьхьин бувайсса ца кIану хъанай бур МахIачкъалаливсса Гуманитарно-педагогический колледж. Бусанну дуклан буххансса кIану ххал буллалиминнал ва колледжрах къулагъас дуван циван аьркинссарив.
ГПК цайми колледжирдая личIи буллалисса агьамсса хасшиву хъанай дур дуккаву дакъасса, студентътурал багьу-бизулул, духIи-дуциндарал, тарбиялул ялув бацIаву. Мунин бувну, колледж зузисса 15 шинал мутталий шивусса студентътурал тачIав духIин дакъасса багьу-бизу ккаккан къабувссар, закондалийн къаршисса тIул даврия ихтилатвагу бакъар. Гьашину ГПК-лувун бувххун личIи-личIисса ттизаманнул санят-пишарду канил бугьан бюхълай бур: «Экономика и бухгалтерский учет», «Информационные системы и программирование», «Социальная работа», «Дошкольное образование», «Преподавание в начальных классах», «Дизайн».
Колледжраву дур динмяърипатрал дарсругу. ГПК къуртал бувминнан магьирну цала пиша лахьхьаву бакъасса, миннаву тарбия дуллалиссар ларайсса тIул-тIабиаьтру. 2019-ку шинал дурсса хIасиллайн бувну Гуманитарно-педагогический колледж бувххунни Аьрасатнал хьхьичIунсса ттуршва СУЗ-рал сияхIравун. Дуккаву дакъасса, ГПК-луву мудан бувайссар конкурсру, спортрал бяст-ччаллу ва цаймигу студентътал бялахъан бувансса давурду. Школа къуртал бувсса оьрчIан ва душваран чIа тIий буру цала дакI дакьинсса пиша язи бугьавриву тIайлабацIу. Жула чулухагу зул чIарав бавцIуну жущава бюхъайсса хIарачат буванну зу оьрмулуву тIайласса ххуллийх бачин буваншиврул.
ЖАННАТ ТЕМУРКАЕВА
ГПК-лул директор
