Бугъ’ятуль сааьлук – Пакьирнал мурад

Бугъ’ятуль сааьлук – Пакьирнал мурад

(дайдихьу хьхьичIми номердай)

Хиял ижмал хIисаврай, истиснаъ ирадалий,

Каърул кьалбирай Аллагь кьарар аву аьркинни.

Витрусса аьдадирайн гъаятул кьувватрайну

Хъиннува шиддатрайну Аллагь тIий лафз аьркинни.

Марратул ахиралий дакIнил тахайюлданий,

МухIаммад Расулуллагь кьарар баву аьркинни.

Яла вукьуф забтI дурну нафас бухху-буккаврив,

Цала нафас итIлакь бан му кIанттайгу аьркинни.

КIива нафасрал дянив хIатIратру къадиян

Илагьи анта кусса макьсуд учин аьркинни.

Нафас итIлакь бай хIалдай сирругу сафа дурну,

Цаняв джузъиятраву вукьуф шаву лазимди.

Натижат къабувчIавай, тараддуд хъинну шайссар,

Салимсса кьалбирайну сирру булун аьркинни.

Камал хIасул къахьурча, истиънаф баву шартIри,

Витрий аьдад ххи дуллай чун укканнин аьркинни.

Ца нафасрал зимнулув кьуния цала хьуннин,

Вилла камалат лякъин ижтигьад дан аьркинни.

Истигьлак инмихаърал асар вин загьир хьуннин

Истиънаф буллай ачин хIасул хьуннин аьркинни.

ХIузур ташвишну къахьун шиддату зикьирайну

Хъиннува тафритIрайну нафас хIабс къааьркинни.

Нажагьлийкун бухьурча цанма мяйжансса матIлаб,

Ягу хIаббу бухьурча, нафьюлий хас аьркинни.

ДакIния нафью хьуннин аммаралун ччи асар,

Файзирал баб садд байсса хIуббийсса хатIратралли.

Элмийсса хатIратрайну садд ччяни къашайссари,

ХIуббийя хатIратрая ихтият дан аьркинни.

ХалидиййинтурачIа нафью исбатрал ххуллу

Ва на вихь бувсъсса куцри, кIулну бан вин аьркинни.

На ва зухь бувсъсса калам хъинну мухтасарну бав,

ЧIявумур рамзирайну завкь дунан бувчIинтIиссар.

Камилсса муршиднайну, сафасса завкьирайну,

Адаб риаьят дурну, муваффакьну бувчIайссар.

БачIвасса пикрилийну, насаб дакъа шайхнайну

Оьмрулийсса пикрилий цичIав фатхIу къахьунссар.

Мунияту тикрар бав ва бигъятрай насихIат

Нисбат дакъа шайхнацIун малачIару гьалакссар.

ЛатIаиф марцI къадурна, нафью исбат къакIулна,

Макьам цирив къакIулна кьутIбура тIий ачайссар.

Утти ва бувс сиррулун арулла рукну дуссар,

Дакъа чара бакъами вайгума чанну бувсъссар.

Алфаз, нукьуш, мааьни, МухIаммад Расулуллагь,

Баз кашатгу вив бувгьун мулахIаза дуванссар.

Вукьуфун аьдадийгу ай витрий аьдадирайн

МулахIаза дуваву кIанивух ккалли дурссар.

Вужданун нукьуш тIисса мяйчин цамургу рукну,

Баъзуннал ккалли дунни давугурив афзалссар.

Муний хIасул шассари мяъкусъсса ларал сурат.

Мунихлуну бяъзуннал рукну ккалли дурссари.

Мунийн муэн ккашири, шабиърал дафоь дайссар,

ТафритIрайну дакъасса фирагъул батIин хъинссар.

ДакIний икрагь дакъассар хутIутI ижраъ бавриву,

МулахIаза нафсирай цуппа мунжарну шайссар.

Вукьуф кьавий хьу чIумал, жамъэят там хьу чIумал,

Бачайссар жавландалий, икрагь ялув дакъассар.

Цила нафсирай цуппа, инжирар тахйил бакъа,

ХIакьикьатрай миннун джар вукьуфун кьалбий шайссар.

Ва хъинну куртIсса кIанур, пикри аьркинсса кIанур,

Муршиднал ишаралун хIажат хъинну дагьайссар.

Нафью исбатрал ялув чIявусса калам буссар,

Циксса чIяву бувссаксса ялагу захIмат шайссар.

Миннан тафсилду бувну, таълифат буварчагу,

Луттирдая лавсминнул вин мюнпат баву чанссар.

Арбабул кьулубтурай аммара тагьзиб бувну,

Муршидун камилная тарбия ласун ччиссар.

Камил муршиднал хъирив саликнал сафар баву,

Машрикьлия магъриблив агьлунан мугу чанссар.

ХIалданун хIисаврайну тарбия дайсса муршид

Жува куннан му лякъин хъиннува захIмат хьунссар.

Лаимнал лавмат дакъа ккавкнан маргьамну шайсса

Сива мурсамри тIисса Закир акъа къаккавкссар.

Авлияътал чIявуссар, чIявуссанначIан ивра,

ХIалданий аьлтту хьусса цама ттун къаккавкссари.

Камилма ва акъама кIул ангу агьлу ччай бур,

Гьарцанна хъирив хъап тIий чIявума зия шайссар.

Гьарца ур кьутIбура тIий, муршидун камилда тIий,

Вих хъанай, зия хъанай, тIалибналгу ци банссар.

Миннал бунагьрал жаза ми жагьил шайхтурайри,

Ифтираърай занайтIи миннал хатIа мунайри.

Мунихлуну ялуври камил хъинну ахтар ан,

Каймияу ссааьдат камилсса муршид шайссар.

Утти зана бикIанну гава жула мурадрайн,

Ккавк-ккавкмур зад чичларча, калам къуртал къахьунссар.

Аллагьнащалсса хIузур вин хIасул хьуну мукьах

Ца ссятраяр ххишала муракьаба дуванссар.

Ма сиваЛлагьраяту хатIрат тахаллул дакъа,

Миккусса муракьаба ахIадият цIа чайссар.

Муния хIасул шайсса асар загьир хьуну махъ,

Яламур муракьаба маэят тIий машгьурссар.

Микку му личIи шаврин аьлаимру дуссари,

Сирру-ссафа хьуминнан камилну загьир шайссар.

Вагьму гъафлатраяту ляркъу каммиятрая

Мукьаддас маэятрал асарду загьир шайссар.

Вилаяту-ссугъра тIий ца макьам барт лагайссар,

Микку нафрат къадагьан ихIтиятIгу аьркинссар.

Яла шаймур вилаят – вилаятул кубрари.

Вилаятул оьлья тIий ялагу цамур дуссар.

КIирагу вилаятран хIакьсса хавастал буссар,

Заннал фазлу ххи хьума му кIанттайн вусул шайссар.

Ва вилаятгу нурди идавсия лирчусса,

Идавсил мишкатрая вайннал икьтибас дурссар.

Мунан иттибаъ хьуну суннатру ихIъяъ буллай,

Му васитIа аврийну Заннал ми хъуни байссар.

Суннатрал адабирай жува таъйид буваннав,

Адаб риаьят дурнан рахIматгу нузул шайссар.

Ванияр сарихI бувну бусан ттун ххуллу бакъар,

Рубубиятрал сиррур, ифшаъ даву куфрури.

Ххишала калам бангу муршиднал изну бакъар,

Асфаъдаву асрарду чичлан гьиммат бакъари.

Цуксса на заэфнугу малака дакъанугу

Муътамад бакъа калам ваниву бакъассари.

Валийтурал каламри ттул кислува бакъари,

Миннай таъну дувайма файзрая махIруммари.

ХIусудшиву ххи хьуну на бувсмур оьну чIалай,

Мурадгу къабувчIунма зу ттуйн гьужум мабари.

Ца мукъуятувагу мюнпат къахьувияв тIий,

Авлияътураяту накьлу бувсса каламри.

На ва був каламрайну вяъзалийн хьулну на бав,

Я сий лякъин къабував, я рияъран бакъари.

Инкасар кьабул дурну, сафа хьусса муриднан

Вай бувсмур матIлуб хьуну файзрай фаиз хьумари.

Арбабул-ахIвалдая тарбия къаласайма,

Миннайн ифтираъ буллай янилату агьмари.

ХIакьикьийсса вил макьсуд факьатI маъбудри кусса,

АсхIабу тахIкьикьтурал каламрал халисмири.

БатIин тафригъ давури гьари макьасидрая,

Бал ма сиваЛлагьрая, агьаммур мурад мури.

 (гихунмайгу буссар)

Щейх Сайфуллагь-кьади Башларовлул луттирава