Рамазан зурул мажлис

Рамазан зурул мажлис

Рамазан зурул мажлис

Мартрал 22-нний ЦIуминалийсса ЦIуссалакрал шяраву ларгунни райондалул ифтIар. Ванин хасну шяраваллил мизитрал чIаравсса тазиятрал къатлуву хьунни жяматрал батIаву ва динийсса мажлис.

 

 

Мажлис бачин бувуна жяматийсса ишккакку МухIаммад МухIаммадовлул. Аьдатрайн бувну, дайдихьу дуруна мубараксса аятру буккаврийну. Кьуръан бувккуна МахIачкъалаливсса хIафизтурал мадрасалий дуклакисса жагьилнал.

Цалчин махъ лахъан увккуна МахIачкъалалул имамтурал советрал каялувчи Даниял Умаилов. Ванал бусуна Рамазан зуруй цадакьа ва цаймигу хъинсса давуртту даврил агьамшиву ва Закатуль-фитIр (ссахI) гьарца бусурманчунайсса бурж бушиву.

ЦIуссалакрал райондалул бакIчи МаматIи ХIамзатовлул барчаллагь увкуна мажлис хIадур бан кумаг бувминнахь, хаснува Новостройрал имам Хаваев Мансурдухь. Ванал дакIнин бувтуна мубараксса Рамазан барз бушиву хъинбаларду гьарза буван аьркинсса, ххуймур чулиннайсса даханашивуртту дувайсса барз.

Дагъусттаннал жяматийсса палаталул каялувчинал хъиривчу Ссапарбаг Аьбдуллаевлул чIурчIав дуруна укунсса мажлисирттал жямат цачIун байшиврий ва ялун нанисса ник лайкьну тарбия дувансса сававну шайшиврий.

Дагъусттаннал Гуманитарный Институтрал зузала Тумалаев Давудлул кIицI лавгуна жагьилтал аьркин бакъасса, бяйкьусса чулинмай бачаврия буруччиншиврул чара бакъа тIайласса диндалул элму-кIулши дулун аьркиншиву.

БавтIминнан ккаккан дуруна Башларовлул цIанийсса медколледжрая, Гуманитарный институтрая ва колледжрая бусласисса, мукунма Новостройрай буллалисса мадрасалун хас дурсса видеороликру.

Мажлисрал ахирданий махъ лавхъуна Хаваев Мансурдул. Имамнал дакIнин бувтуна лак муданмагу дин дусса, Исламрал ххуллу бувгьуну нанисса, лайкьсса миллат бивкIшиву. Ванал цала чулуха барчаллагьрал чагъарду ва дакIний личIансса бахшишру дуллуна диндалул иширттаву чялишну ка-кумаг бувайминнан.

 

 

 

2026-04-01 (Шавваль 1447 ш.) №4.


Лакрал миллатрал мажлис

Март зурул 18-нний Дагъусттаннал Муфтиятрал сипталийну МахIачкъалаливсса «Европа» тIисса залдануву хьунни чIявусса лак гьурттусса зумаритавал мажлис – ифтIар. Зал щапI куну бувцIуну бия, аьдатрайн бувну, мажлис байбивхьуна Мубараксса Кьуръандалул аятирттая, ккалаккиману ия...


Лажинлякъул лишан

Инсаннахьхьун ядуван дуллусса задрайн «аманат» учайссар. Ва бур аьрабрава лакку мазравунгу цайми бусурман миллатирттал мазурдивунгу бувкIсса махъ.   Аманат тIисса махъ аьрабрая таржума бувайссар «буллусса махъ бугьаву, дакI тIайлашиву, вихшала» тIисса мяънардай....


ХIабибнал ﷺ дуниял кьадитаврил бусала

Ца хавар бусанда, вичIи дишара Кьуръан-хIадис бувсун къабувчIайминнан, Аьжам шеъри бувну ХIабиб ﷺ кIицI анда Цал шафааьт жунма бияйрив ккаккан. Муъжизатру буслай гъалгъа буварча, КIивагу иттату макь экьи лагай, Цув кIицI лагаврийну ихтилат барча, Вай кьянкьасса дакIру кIукIлу хьун...


Напсилул хасиятру

Напсилул хасиятруЦала напсилух вичIи дирхьуну, оьбаларду буллан махъаллил акъасса инсаннан хасъсса хасиятру дур къуллугърах къанихшиву ва мудан цува цайминнаяр лавайну икIан ччишиву. Мукунсса инсаннан, мудан хьхьичIун личлай, цайми инсантал цала буюрду биттур буллали буллай, цахва мюхтаж буллан...


Иман цIакь дувансса давуртту

Идавсих ﷺ вичIи дирхьума – Аллагьнайн ﷻ мютIи хьумари. «Нур» тIисса суралуву увкуну бур: «Аллагьнайн ﷻ ва Идавсийн ﷺ мютIину бикIи, акъахьурча зун жаваб дулун багьантIиссар». Вай мукъурттил мяйжан буллай бур Идавсил ﷺ ххуллу (сунна) бувгьуну бачаврийну инсантурайн...