Ушаг јемир. Нә етмәли?
Ушаг јемир. Нә етмәли?
Ушаг аҹлыг һисс етмәјән, јахуд нәдәнсә иштаһасы позулан, јахуд өзүнү јахшы һисс етмәјән, јахуд ону һәддиндән артыг једиртиб ҝәнҹ организм бу гәдәр јемәјә дөзә билмәјән һаллары дејил, ушаг һәмишә јемәк истәмәјән вәзијјәти арашдыраг. Бир гајда олараг бунунла аналар (һәлә ки аталар ишдәдир) вә нәнәләр мәшғул олур, буна ҝөрә дә тез-тез мәсәләни биз һәлл етмәли олуруг, әзиз охуҹу гадынлар.
Беләликлә, нә игдам еләмәк лазымдыр ки, ушаг нормал сурәтдә, ади гајдада, шылтагсыз, тәрсликсиз сәһәр, ҝүнорта, ҝүнортадан сонра вә ахшам јемәји јесин? Ҝәлин мүтәхәссисләрин мәсләһәтләринә бахаг. Сонда исә – бу сәтирләрин мүәллифи валидејнләриндән лајфһаг.
Елә ушаглар вар ки, адәтән арыг бәдәнли, јемәк истәмирләр вә гуртарды! Конфетдән имтина етмәзләр, лакин һәтта әҝәр ширин шејлә иштаһасыны позмаса да, јенә бошгабында олана һеч бир мараг ҝөстәрмирләр. Бунунла белә онлар тамамилә сағлам вә јашына мүвафиг олараг енержилидирләр. Ушаг психологлары, дијетологлар, тәрбијәчиләр вә “кичик нәсил үзрә диҝәр мүтәхәссисләр” нә дејирләр? Биринҹи мәсләһәт – тәклиф олунан јемәји мүхтәлиф, ҹүрбәҹүр етмәк. Бәли, мүһафизәкар ушаглар вар ки, ади, вәрдиш олдуглары јемәјә үстүнлүк верир вә тәзә гидаја тәһлүкә илә бахырлар, анҹаг бу саат биз башга шејдән данышырыг. Мәсәлән, сиз ушағы фајдалы рәнҝли кәләмлә једиртмәк истәјирсиниз, о исә ону, дејәк ки, бишмиш һалда истәмир, - онда пүре шорбасы еләмәк олар, башга тәрәвәзләрлә бирҝә духовкада гызартмаг олар, үмумијјәтлә өзүндән ујдуруб кәләми елә һазырламаг олар ки, ону ҝөрүнүшүндән дејил, һәтта дадындан да танымаг, билмәк олмаз. Витаминләр исә галар! Икинҹи мәсләһәт – сәбр еләјин. Вә гәти сурәтдә ушағы јемәјә мәҹбур етмәјин, хүсусилә әҝәр бу јемәк онун әсла севмәдикләриндәндирсә! Бу, ушагда стресс вә әввәл садәҹә олараг истәмәдијинә нифрәт јарада биләр. Бу да, өз нөвбәсиндә сағламлығына тәсир ҝөстәрәр. Әфсус ки, бәзи бөјүкләрин ушағын јемәк истәмәдији гиданы онун гарнына сохмаг ҹәһдләри бәзән гангаралдыҹы, јолверилмәз формаја чеврилир. Бир нечә ил габаг, јадымдадыр, белә һал мәлум олмушду: мәктәбәгәдәр јашлы оғлан севмәдији нохуд шорбасыны јемәк истәмир, вә онун нәнәси – ҝөрүнүр ону “лазымдыр” сөзү илә таныш етмәк истәјәрәк (буну өзү баша дүшдүјү кими), ону ЈАЛНЫЗ нохуд шорбасы илә једиртмәјә башлајыр. Нәтиҹәси: ушағы “тәҹили тибби јадым” машынында “бағырсаг кечилмәзлији” диагнозу илә апарыр, мөҹүзәли сурәтдә хилас едирләр. Үчүнҹү мәсләһәт – гида гәбулу режиминә риајәт етмәк. Сәһәр, ҝүнорта, ҝүнортадан сонра вә ахшам јемәкләринин даими вахты олмалыдыр – һәр ҝүн ејни вахтда. Әҝәр онларын арасында гәлјаналтыја јол верилсә, ајдын олар ки: ајрылмыш вахтда ушағын јемәк һәвәсијлә худаһафизләшмәк олар.
давамы вар
