Аслияб гьумералде

Аварагасул ﷺ гIумру

Аварагасул ﷺ гIумру

Аллагьасул расуласул ﷺ Аллагьасдаса букIараб хIинкъиялъул бице?

Гьес ﷺ абулаан: «Дун бищунго Аллагь лъалевги вуго, бищунго Аллагьасдаса хIинкъулевги вуго», - абун. Гьес ﷺ как балаго, гьесул ﷺ Аллагьасукьа хIинкъун бугеб гIодиялъул гьалдолеб хьагил гIадаб сас рагIулеб букIана. Гьес ﷺ абулаан жинда лъалеб жо нужеда лъалеб букIарабани нуж дагь релъилаанин, гIемер гIодилаанин абун. Сардилъ тIаде вахъун гIибадат гьабулагоги гьев гIодулаан. ХIатIал гьорозегIан тIаде вахъун гIибадатги гьабулаан. Цогидаз Къуръан цIалулаго гьелъухъги гIенеккун, гьесул бадиса магIу чвахулеб букIунаан. Кутакаб гьури пулеб мехалъги свалатсалам лъеяв Авараг рокъове жаниве лъугьун къватIиве вахъун рахIат хвараб хIалалда вукIунаан, Аллагьасул кIодолъи, тIадегIанлъи, хIалкIолъи лъаялда рекъон букIунелъул, Аллагьасукьа хIинкъиги. Хирив Аварагасда ﷺ гIадин Аллагь лъалев щивниги гьечIо. Гьединлъидал гьев гIадин кутакалда Аллагьасукьа хIинкъарав чи зобракьалда щивго вукIинчIо.

Аллагьасул расул ﷺ кин велъулев вукIарав?

Аллагьасул Расул ﷺ пашманлъи даимав вукIана. Амма гьоркьо-гьоркьоб гьев хьимулаан, велъулаан. Гьесул гIемерисеб релъи хьимиялдалъун букIана. Гьоркьо-гьоркьов велъизеги велъулаан цаби загьирлъиледухъ. Гьев бецIаб сардида хьимани, гьесул нуралъ сверухъ бакI гвангъулаан. Гьедин хъван буго «ШархIу шамаил» абураб тIехьалда. Гьоркьо-гьоркьоб гьев велъиялъе гIиллаги Хириясул ﷺ гьайбат бихьун хIал щун рукIунел асхIабзабазул ракIал гIодоре риччазе, гьел рохизаризе, хадусезе мисаллъун букIине гIологи букIана. Амма гьев гьаракь борхун кидаго велъулароан.

ХIАБИБ МУХIАММАДОВ

2026-09-15 (РабигIул ахир 1448 с.) №18.


Кванил адабал

Кваназе байбихьилалде цин кверал чурила, гьелъ кванида баракат лъола, цинги «Бисмила» бахъила ва абила: «Аллагьумма барик лана фима разакътана ва къина гIазаба ннари», - абун. Кваналев чиясул ниятги букIина диналъе къуват бачIинеян абураб. Гьединаб ниятгун кванани, квенги...


Сапаралда кинав вукIарав Авараг ﷺ?

Сапар буго инсанасул гIумруялъул цо бутIа. Муъминзабазе гьеб ккола Аварагасдаса ﷺ мисал босун ТIадегIанав БетIергьанасде ﷻ гIагарлъизе рес щвейги. Нилъер Аварагас ﷺ нухда кинаб хьвада-чIвади букIине кколебали малъа-хъваял гьари гуребги, жиндирго мисалалдалъунги бихьизабуна сапаралда ругелъул...


Гьикъизе нечараб бицине намусаб

Якьадги росги   Дир якьадалъе бокьун букIана жиндирго квартира къачIан лъугIизабизе ва гьелъ нижеда гьарана кумек. Дир росас, дидаги гьикъичIого, хIажатаб гIарац къарзалъ кьуна. ЛъагIел ана ва гьеб гIарац нахъбуссинабизе гIедегIунев чиги гьечIо. Дир рос нечола ракIалде щвезабизе ва дида...


Учительзабиги кIочон течIо

Хъайтагъ районалда тӀобитӀана РабигIул аввал моцӀалъе сайгъат гьабураб гӀелмияб мажлис. Гьелда гӀахьаллъана районалъул бетӀер ХӀасанов Запир; районалъул имамзабазул советалъул председатель - Салимов ГӀабдулла; Югалъулаб территориалияб округалда Дагъистан Республикаялъул муфтияталъул вакил Рамазанов...


Президентас ХасмухIаммадида баркана

Россиялъул президент Владимир Путиница баркана Дагъистаналъул хӀурматияв инсан, 95 сон тӀубарав ХасмухӀаммад Абубакаровасда гьавураб къо. Дагъистаналъул кӀудияв эменин абула гьесда гьев лъалел чагӀаз. Гьесул гӀумру буго къвакӀиялъул ва исламалъе хъулухъ гьабиялъул мисаллъун. Гьес гӀумру гьабуна...