Аварагасул гIумруялдаса суалал

1. Авараглъи кьелалде пикрияб гIибадат гьабизе Авараг киве унев вукIарав?

Авараглъи кьелалде пикрияб гIибадат гьабизе Авараг Нур магIарда бугеб ХIираъ нохъоде унаан. («Фикъгьу сирати-ннабавиягь», гь. 92).

2. Хандакъ гъазаваталда бусурбабазул ва капурзабазул рикIкIен щиб букIараб?

Хандакъ гъазаваталда бусурбабазул вукIана 3000 чи, капурзабазул 10000 чи. («Нурул якъин», гь. 158).

3. Хандакъ гъазаваталда, тушбабазул ахIвал-хIал лъазабизе гьезул рахъалде Аварагас щив витIарав?

Хандакъ гъазаваталда, тушбабазул ахIвал-хIал лъазабизе, гьезул рахъалде Аварагас витIана Яманил вас ХIузайфат. («Нурул якъин», гь. 161).

4. «БайгIату Ризваналда» бусурбабазул чан чи гIахьаллъарав?

«БайгIату Ризваналда» бусурбабазул гIахьаллъана 1400 чи. («ШархIул Мафруз», гь. 34).

5. ТIаифалде аскаргун сапаралъ Авараг кида къватIиве вахъарав?

ТIаифалде Авараг къватIиве вахъана микьабилеб гьижрияб соналъул шаввал моцIалъ. («АрРахIикъул махтум», гь. 431).

6. Хайбаралъул хъала лъица бахъараб?

Хайбаралъул хъала ГIалиасхIабас бахъана. («Фикъгьу сирати-ннабавиягь», гь. 359).

7. Муътат гъазаваталда «Аллагьасул хвалчен» абун тIокIцIар лъие кьураб?

Муътат гъазаваталда «Аллагьасул хвалчен» абун тIокIцIар Валидил Халидие кьуна. («Нурул якъин», гь. 208).

8. КагIбаялъул кIулал божилъи гьабун, Аварагас лъихъе кьурал?

КагIбаялъул кIулал божилъи гьабун Аварагас ТIалхIатил ГIусманихъе кьуна. («Ар-РахIикъул махтум», гь. 419).

9. Аварагасул ясал лъица рачарал?

Аварагасул ясал рачана ГIаффанил ГIусманица, АбутIалибил ГIалица ва РабигIил Абул ГIасица. («Нурул якъин», гь. 69).

10. Аварагасде Къуръан чан соналъ рещтIараб?

Аварагасде Къуръан рещтIана 23 соналъ. («ГIулумул Къуръанил Карим», гь. 28).

11. Аварагасул руччабазул гIарабияй гурей щий йикIарай?

Аварагасул руччабазул гIарабияй гурей йикIана Сапият. Гьей бану Исраилаздасан йикIана. («Ар-РахIикъул махтум», гь. 484).

12. Кинаб гъазаваталда Аварагасда ругъун лъураб ва лъица?

УхIуд гъазаваталда Аварагасда ругъун лъуна Абу-Вакъасил вас ГIутбатица, Шигьабил вас ГIабдуллагьица ва Ибну Къуматица. («Нурул якъин», гь. 137).

13. Маккаялъул агьлу Аварагас исламалде чан соналъ ахIараб?

Маккаялъул агьлу Аварагас исламалде ахIана 13 соналъ. («Фазаилул ХIабиб»).

ХIАБИБ МУХIАММАДОВ

2026-05-15 (ЗулкъагIида 1447 с.) №10.

Гумбет районалда тӀобитӀараб конкурсалъул финалистазе лъай кьеялъул управлениялъул начальникас сертификатал ва гӀарцулал сайгъатал кьуна. Лъай кьеялъул управлениялъул начальник МухӀамадвакил Забидовас шапакъатал кьуна, битIун какие чуриялъул ва как баялъул конкурсалъул районалъулаб этапалда...

1 маялда ХӀебда росулъ тӀобитӀана, СВОялъул бахIарзал ракIалде щвезариялъул хIурматалда, школазул цIалдохъабазда гьоркьоб волейбол хIаялъул рахъалъ къец. Гьеб тадбиралда гIахьаллъи гьабуна ХIебда росдал имам ГIумархIажи МухIаммадхIажиевасги. Жиндирго кIалъаялда гьес киназего гьарана бергьенлъи ва...

Гъаран (укроп) (латиназул мацӀалда Anethum ) — сельдереязул хъизаналъул лъагӀалилаб хералъул гъветӀ, гьелъул цохӀого цо тайпа ккола махӀ жиндаса бугеб гъаран (мугIрул мучари), яги хурул гъаран. ГӀалхул гъаран бижула ГьитӀинаб Азиялда, Шималияб Африкаялда, Ираналда ва Гималаязда. Бекьулеб ва...

Гьал къоязда магIарул мацӀалда бахъулеб «Ас-салам» казияталъул редакциялъул хӀалтӀухъаби щвана Шамил районалъул Бакълъухъ росулъе. Редакциялъул хӀалтӀухъаби дандчӀвана росдал бегавулгун, школалъул нухмалъулевгун, мадрасаялъул ректоргун цогидалги жамгIиял хIаракатчагIигун. Гьезулгун...

Исламалъул машгьурал имамзабазул яги гIалимзабазул цонигияс суфизмалда кигIан дагьабниги гIайиб чIвачIо. Ункъабго мазгьабалъул имамзабазги гьезда нахърилълъарал гIалимзабазги, тафсиралъул, хIадисалъул гIалимзабазги тасаввуф рикIкIана исламалъул рухIлъун ва ракIлъун. – СагIид ХIаваца...