Аслияб гьумералде

Аварагасул гIумруялдаса суалал

Аварагасул гIумруялдаса суалал

Бусурбабаз ХIабашаталде (Эфиопиялде) тIоцебесеб гьижра гьабиялъе гIилла щиб букIараб?

Капурзабаз бусурбабазда зулму-хIал гьабидал, Ислам тIибитIизабиялде данде гьел чIедал, Аварагас бусурбабазде амру гьабуна гьижра гьабейин абун.

Бусурбабаз хасс гьабун ХIабашаталде щай гьижра гьабураб?

ХIабашаталда вукIана ГIиса аварагасул дин бацIцIадго ккурав, жинда аскIор загIипал гIадамазе зулму гьабизе толарев гIадилав хан – Нажашияв. Гьединав гIадилав хан гьев вукIин Аварагас гьезда бицана ва гьенибе гьижра гьабун лъикIин абун гьес бусурбабазде ишараги гьабуна. Гьелъие гIоло бусурбабаз тIоцебесеб гьижра ХIабашиялде гьабуна.

ХIабашаталдаса бусурбаби тIад руссиналъе сабаб щиб ккараб?

ТIоцебе ХIабашаталде гьижра гьабун хадуб асхIабзабазухъе хабар щвана Аварагасул инсул вац ХIамзат бусурманлъун вугин ва гьединго Маккаялъул хIал лъикIлъун бугин, къурайшиязул бутIруз Исламги къабул гьабун бугин, бусурбабиги гIемерлъун ругин абун. Гьеб мехалъ гьезие бокьана жидерго ватIаналде тIадги руссун, гьениб Аллагьасе гIибадат гьабизе. Амма Маккаялде щун хадуб мушрикиназул зулму-хIал тIадеги цIикIкIана. Гьез, Аварагас изнуги кьун, кIиабизеги ХIабашаталде гьижра гьабизе хIукму гьабуна.

КIиабизе ХIабашаталде гьижра гьабиялъул ва гьеб гьабурал асхIабзабазул къадар чан букIараб?

ТIоцебесеб гьижраялдаса асхIабзаби Маккаялде руссун ва ГIумар асхIабас Исламги босун хадуб мушрикиназул гьезде тIадецуй цIикIкIана ва щивасул тухумал тIаделъун гьезие гIакъуба кьезе байбихьана. Гьеб мехалъ Аллагьасул расулас гьезие кIиабизеги ХIабашаталде гьижра гьабизе изну кьуна. Гьеб нухалда гьижра гьабуразда гьоркьов ункъоялда лъабго бихьинчиги анцIила микьго чIужугIаданги рукIана.

Щай Аварагас ТIаиф чIунтизабизе изну кьечIеб?

ТIаифалъул гIадамаз Авараг къабул гьавичIого, ганчIал речIчIун нахъе къотIидал, гьев вахчана шагьаралдаса къватIиб бугеб цо ахикь. Гьениве гьесухъе рещтIана ЖабрагIил малаик ва гьес Аварагасда абуна: «Дуе бокьун батани дица гьаб бакI ракьулъе кIкIунеб хIал гьабила яги гьелде тIаде мегIер ччукIизабила», - абун. Жив рахIматлъун витIарав Аварагас жаваб кьуна: «Дун гьезда гурхIула, дун божула гьезул хадусел гIелалгIаги Аллагьасе бацIцIадаб лагълъи гьабизе лъугьиналде ва Аллагьасде гьез щивниги гIахьал гьавунгутIиялда», - абун. Гьеб мехалъ ЖабрагIилас абуна: «Унго-унголъун, Аллагьас абухъе, гурхIел цIикIкIарав вуго мун», - ян. («Ар-РахIикъул махтум»).

2026-09-15 (РабигIул ахир 1448 с.) №18.


Жиндаго тIад хIалтIи

Нилъеца гьарулел гIамалал ритIарал ругищали яги чиядехун гьабулеб гIамалалъулъ тохлъи биччалищали пикруго гьабулищ нилъеца? Мекъи рукIин лъалищ, къабул гьабулищ, гьеб битIизабизе хIаракат бахъулищ?   Гьайгьай, гьелъул пикру гьабизе ккела. Лъазе ккола аварагзаби хутIизегIан, гунгутIабаздаса...


Цоцазе мисал

Нилъер хъизам букIине ккола сахлъи бугеб щулияб жамгIияб гIуцIилъун. Рокъоб гIадлу гьечIони, хъизан-лъималаз гIумру гьабизе гьечIо исламалда рекъон, бажаризе гьечIо гьел лъикIал бусурбабилъун лъугьинарун.   Аслияб масъала буго Аварагасул ﷺ уммат гьоркьоса къотIичIого цIикIкIунеб хIал...


Нужее баяналъе

Авараг гьавураб сон щиб сон букIараб? – Пилалъул сон. Пилалъул сон абун щай гьелда цIар тараб? – Гьеб соналъ Абрагьат аскаргун ва пилалги рачун КагIба биххизе вачIун вукIана. Аварагасе ﷺ кьураб бищун кIудияб мугIжизат щиб букIараб? – Къуръан. Муса аварагасул...


ГIажаибаб мугIжизат

Къуръан ккола жибго бищун кIудияб мугIжизат. Ва щибаб нухалъ гьеб лъазабидал гIажаиблъизеги гьарула. Гьелда жаниб географиялъулги хIикматал руго.   Аллагьас ﷻ Къуръаналда абуна: وَهُوَ الَّذِي خَلَقَ اللَّيْلَ وَالنَّهَارَ وَالشَّمْسَ وَالْقَمَرَ كُلٌّ فِي فَلَكٍ يَسْبَحُون   МагIна:...


ГIибадат гьабизе рес

ХIурматиял бусурбаби, гьале тIаде щвана хаслихълъиялъул къоял. БагIарараб рииги тIаса ун, гьогьомиялъ кверщел гьабуна ракьалда. Гьайгьай, сордоги кIодолъана, къоги саламатго гьитIинлъана. ГIибадат гьабизе заманги лъикIаланго эркенлъана.   БагIарараб риидалил гьитIинаб сордо бугеб мехалда...