Къурбаналъул адабал
Къурбаналъул адабал
Цо дагьабго хитIаб
Къурбан хъолезде,
Квеш бихьизе гуро,
Рак1 хвезе гуро.
Мунагь-хIакъалдаса
Нилъго цIунизе,
ХIакъикъияб къиса
ИсмагIиласул
Щоларищ рак1алде
Къурбан хъолезда.
Аллагьасде бугеб
Божигун хIинкъи,
ИсмагIилил эмен
Ибрагьимилги.
Гьанже гIолеб гIелалъ
Гьаб хъолеб къурбан
ГIадатияб жолъун
Буго рик1к1унеб.
Хъураб къурбаналъул
Ракьа-гьаналъул
Щибго хIурмат-адаб
Гьеч1о гьабулеб.
Шашлик1алги кванан
ТIаде рахъиндал,
Щущан гIодоб тола
Гьан квараб ракьа.
Бисмиллагьги бахъун
Гьеб ракьулъ букъун
Адаб цIунулев чи
цIакъ дагьго вуго.
Руго гIалимзаби
ГIелму лъик1 лъалел,
ГIелмуялда рекъон
ГIамал гьабулел.
Щай гIин тIамулареб
Гьез малъулелъухъ,
Дунялгун ахират
Данде билълъине.
Рач1унел унтаби,
Ккараб гьаб рагъ-кьал,
Зодосан, гIодосан
Ругел балагьал.
Нилъецаго ургъун
Пикру гьабуни,
Нилъерго гIайибаз
Гуребдай бугеб?
