ГIайиб чIваге, гьудул…

ГIайиб чIваге, гьудул, чIаго ругезда,
ЧIван лъолеб гуллица ссудулин ругънал.
ГIедегIуге, гьалмагъ, ахIуд аразда,
Унтулеб кереналъ бецIлъулин дунял.

Какдоге нахъасан, дир диналъул вац,
Дуего хоб бухъи гIазаблъулебин.
Лъоге, лъоге бугьтан мунго лъачIезда,
ЧIегIераб гвендиниб дуй батулебин.

ГIумру лъабго къойил лъелав чиясе,
Чангит щулалъани щолеб даража.
РекIкIун хьвадулелъги хьитал рагьулин,
Роржун хьвагIулелъги ракьда ратулин.

Дуйго ритIухъаб дин даималъ ккуни,
Лъоб борхалъиялда балеб дуца как.
Аллагь рехсолелъул хIисаб гьабуни,
ХIажрул Асвадалда дуйги хъвалеб бакI.

ГIедегIуге, гьудул, рагIи абизе,
РагIул ахиралда угьулин хIухьел.
ГIайиб чIваге, гьалмагъ, чIаго ругезда,
ЧIварал гIемер ругин рагIул гуллица.

МУХIАММАД ХIАСАНОВ, КIУЯДА РОСУ