Рагъдаса васасул кагъат

КигIанго бокьун буго гIумру гьабизе,
Ракълилаб доб болжал кверзукь бачине.
ТIубарал моцIаца лъимго бихьичIел
ТIагIат-гIибадатул рацIцIалъи кквезе.

КигIанго бокьун буго сахго хутIизе,
Рокъор хутIарал дол хъизан-лъималгун
ЛъикIалан ракI биччан, гьелгунги кIалъан,
Рохалил ххулулеб магIу бацIцIине.

КигIанго бокьун буго гIумру гьабизе,
ГIинда рагъул гъугъай рагIунгутIизе.
ГьикъичIеб доб балагь, хвалил гуллица
Щапулел ракьцоял рихьунгутIизе.

КигIанго бокьун буго гIумру гьабизе,
ГIолохъанго рукIун яшав гIуцIизе,
Эбел-инсул ракIал рохизе гьарун,
ГIагараб ракьалде тIадги руссине. 

РАСУЛИЛ ШАМСУДИН, ГIАНЧИХЪ РОСУ