Тавбу гIемер гьабе

Дуниял жибго те, ахират босе,

Аллагьги рекIелъ ккун даимго вукIа.

ЦIикIкIинабе рокьи аварагасде,

Аллагьасе мунго вокьизе ккани.

Тавбу гIемер гьабе, гьеб кIочон тоге,

Аллагьасда цеве мун хIелун кIалъай.

Церехун гьарурал мунагьаздаса,

ТIаса лъугьайилан гьаре ракI-ракIалъ.

Бесдалал рохулел гIамалал гьаре,

Дуйго ризкъи цIикIкIун бокьун батани.

ГIадамазе дуца квербакъи гьабе,

Цебе дур букIараб гIамал хисила.

Вац-яцаздехун дур букIараб балай,

Дудаго лъачIого хисун батила.

ХIасуллъиги ина рекIелъ букIараб,

Инсанасде бугеб рокьи цIикIкIина.

ХIусен МухIаммадов,

ЧIарада район, Дусрахъ росу