Сордо буго гьеб МигIраж
Бичас гьоболлъухъ ахIун,
ХIабиб къватIив вахъараб,
Баракатал сардазул,
Сордо буго гьеб МигIраж.
Масжидул Акъсаялда,
Аварагал данделъун,
Гьезий имамлъи гьабун,
Как жинца бараб сордо.
Анкьабго зоб нахъа тун,
ГIарщалде ТIагьа щвараб.
Алжан-жужахI бихьараб,
Сордо буго гьеб МигIраж.
Расул аскIой вачIиндал,
Гьоркьоб пардав гьечIого,
Гьесда Халикъ кIалъараб,
Сордо буго гьеб МигIраж.
МухIаммад ﷺ кIодо гьавун,
Гьесул умматги бокьун,
Аллагьас сайгъат гьабун,
Щуго как кьураб сордо.
Цогидал умматазе,
Аллагьас кьун рукIинчIел,
Кьун руго бигьалъаби,
Гьеб сордоялъ нилъее.
МигIражалъул хиралъи,
Халалъилин хъванагIан,
Хъвалеб лъугIизе тана,
ГIелин гьаниб рехсараб.
Расуласда гьеб сардилъ,
Бихьанщинаб рехсечIо,
Халкъалъул гIемерисел,
ГIадамазда лъалелъул.
ЛъикIал сардал рачIиндал,
ЧIаго гьелги гьаризе,
РахIманас тавпикъ кьеги,
ТIолго бусурбабазе.
