Босана цойги бергьенлъи

Щвана, ГIабдурашид, цоги бергьенлъи,
ЦIар аразул мухъилъ дур цIар бикIулеб.
Босана цогиги меседил медаль,
Дурго медалазул рикIкIен цIикIкIине.

Дагъистан чIухIарав мугIрул гIолилав,
Босана цоги чIел аренаялда.
ЦIар арав речIчIухъан, мугIрулазулаб бацI,
Борхана цоги квер бергьенлъи баркун.

МугIрул бацIцIадаб би чорхолъ хьвадулев,
Хьваде гьаб ракьалда борхатаб цIаргун.
ЦIаруй мустахIикъал рехсолеб мехалъ,
Рехсей абе дурги, ГIабдурашид, цIар.

Дур бергьенлъиялъухъ балагьун чIарал,
ЧIухIе абе гьанже тIолго Дагъистан.
ТIад кIалъайго гьечIеб щулияб медаль,
Щулаго реханин гьесул горбоде.

Сонал сверунилан ссвин букIунареб,
Кьеги Аллагьас дуй щулияб сахлъи.
Киналъулго бетIер - щулияб иман,
Щулалъаги даим гьеб дур рекIеда.

Бергьенлъи гурони къей бихьугеги,
Мун разияб хIасил кидаго ккаги.
ТIолго ракьцоязул чIухIилъун вукIа,
ЧIухIи дур рекIелъе лъвине биччаге.

ЧIахъаги дур эмен гьаб дунялалда,
ЦIаруй мустахIикъав вас гIезавурав.
Тайги гьаб ракьалда рекIей бокьухъе,
ЦIар арав васасул хIасратай эбел.

ПАТIИМАТ ГIАБДУЛАЕВА, УНСОКОЛО РОСУ.