Дир гIагараб росу
Бугодай цониги мун гIадаб росу.
Нахъасан кьураби сангарлъун чIараб
Бакъуй керен кьураб дир Гьандихъ росу.
Кьурулъан чвахулел чабхил иццалги,
Чанги хIикмат бугин духъ балагьани.
Даруял хурдулгун иццазул цIураб
ЧIухIула дудаса, дир чIагояб ракь.
Дуда жаниб бугеб къимат цIикIкIараб
Зиярат гIеларищ гIакълу бугесе.
Гьесул баракаталъ цIунун ругел нилъ,
Гьелъухъги рецц буго дир Аллагьасе.
Къойил зияраталъ тIаде рачIунел
Гьалбадерил дугIа - гьебги баракат
Диргоги цо рохел - гьаний йижарай,
Аллагь дуй рецц гьабун гьардола къойил.
ТIаде бетон тIурал къватIал рихьизе
Хабал агьлу анищ нахъе ахIизе.
«ГIарукье» балагье - мадрасаялъухъ
Гьелъулги баракат нилъер росдае.
ХIумайд-афандиясул баркаталдалъун
ЦIунун руго нижер тIолго жамагIат,
ЛъикIабщинаб гьабун битIун хьвадизе
Кьеги, Аллагь, дуца щивасе иман.
Жапарат ХIадисова
