Адаб бугев вукIана

ВатIаналъе хIинкъи, хIажалъи ккедал, 
ХIадур ватаразул цояв - нилъер вац. 
Шамил районалъул ГIасаб росулъа
МухIаммаднур вуго нилъер багьадур.
Багьанаби рачун цо-цоял чIедал,
ТIоцебесеб кьерда вагъана гъалбацI.
ХIинкъи-къай лъаларев магIарул васас,
БетIерлъи гьабуна кьвагьдохъабазе.
Нахъе къай лъаларев гьев магIарулав, 
Циндаго лъукъана гумпараги щун.
Цебехун гурони нух лъаларев гьев,
Цояб бохалдаса махIрумлъун ккана. 
Мариуполалъул къватIал бецIлъана,
Эбел-инсул сурат цебе бачIана.
Огь, цоги нухалда яцги йихьизе, 
Гьелъул вас вихьизе гъира цIикIкIана. 
Эбел-инсул адаб берцинав гьесий,
Севастополалда батана къадар.
Тохтурзабаз кигIан яхI бахъаниги, 
Щваралъул ГIизраил гьесда аскIове. 
Шагьидзабазулгун вализабазул
БутIа щваразулъ хIалхьаги дур рухI.
Квер ккун алжаналде эбелгун эмен
Рачинелъун цеве арав ватаги.
Гьадинал васаца цIеги Дагъистан,
ЦIумаллъун роржине хIажаталъуре.
ХIалхьун алжаналъул пихъал кваналев 
Таги, МухIаммаднур, БетIергьанас мун!