Аллагь рекIелъ ккурал муъминзабазе

Аллагь рекIелъ ккурал муъминзабазе
ГьечIого рес гьечIел гьал гIалимзаби.
РекIелъ иман гьечIез, чорхолъ яхI гьечIез
ГIужие гъун чIвана гьал гIалимзаби.

ГIусман асхIаб гIадин шагьидлъун хвана
Дагъистан урхъарав СайидмухIаммад.
Цадахъ вацги чIвана гьев шагьидасул,
Балъго ярагъ барал мунапикъзабаз.

КIиабилев халип дов ГIумар-асхIаб,
Гьевги шагьидлъана тушбабаца чIван.
Тушбабаца чIвана ТIагьаев АхIмад,
БитIун гIелмуялъул камиллъиялда.

Мажгиталде индал, рогьалил какде,
Гьенив гурищ чIварав ГIали-асхIабги.
Гьесиего гIадаб шагьидлъи щвана
ГIабдулгъапурил вас МухIаммадие.

Сордо рогьинегIан ургъун ратила
Рогьалилъго чIвазе КъурамухIаммад.
Гьел вагьабиялгIан гьесда рихарал
Щалниги рукIинчIин гьаб ракьалда тIад.

Киниги тушбабаз Дагъистаналда
КъогогIан гIалимчи ракьалда лъуна.
Бищунго гIасияб такъсир гьабуна
ЧIикIаса КIудияв кьвагьизе гьавун.

Гьаб Дагъистаналъул исламалъул нур,
Гьал гIалимзабазе гIелмудал ралъад.
ТIолго муридзаби гIодилелги тун
Ана дуниял тун СагIид-афанди.

МУХIАММАДГIАЛИЛ ВАС БИЯХЪАЙ, ЧIИРКЪАТIА РОСУ.