ГIалим КъурамухIаммадиде

Хирияб ражаб моцIалъ шугьадаазда гьоркьов,

Бичас исмуги рехсон кIодо гьавурав гIалим.

ГIуламаазда гьоркьов дарулъун жив вукIарав,

Кутакав гIалимасул цо дагьабго рехсезин.

Гьаб ракьалъул халкъалъе хирияв БетIергьанас,

Ахлакъалъул бицине кьун вукIарав багьадур.

ПитначагIазде данде динул хвалченги бахъун,

Исламалъе рухIги кьун гIадлу гьабурав вали.

ЧIикIаса муршидасги кIудияб къимат кьурав,

Къиматав гIалимасул исмуги жинда лъурав.

Нижер заманаялъул имам Навави абун

КIодо гьавурав гIалим вуго КъурамухIаммад.

ГIорхъи гьечIеб гIелмудул гIемерлъарав тIахьазул,

Къойил хIадур гьарурал лъикIал гIуламаазул,

МагIнавиял хутIбазул баракат гьанибги тун

Шагьидлъарав бахIарчи вуго КъурамухIаммад.

Чанги тушман хIинкъарав, хIилла гьабун къанщарав,

ХIалихьатал чагIиги жинда данде рахъинчIев.

Барзахалда цIар хъварав, шагьидлъи жиндий щведал,

Бергьарав мутакаллим вуго КъурамухIаммад.

Хирияб сордоялда ХIабиб кIодого гьавун,

Шагьидлъарав багьадур вуго КъурамухIаммад.

Бичас Жиндий вокьиялъ дуе кьураб даража,

Кьеги, хирияв Аллагь, Мун вокьулел нижее.

РАМАЗАН КАВХАНОВ, ДИУЯЛЪУЛ МУТАГIАЛИМ