ГурхIа, Карим ﷻ
ГурхIа, Карим ﷻ
ТIаса лъугьин гьечIеб гьаб дир черхалъул
ЧаракъотIун буго къойил пикрабаз.
Къаникье кканиги нахъбуссунареб
БачIун буго тIаде цо-цоязул ццим.
Ццидахун щибилеб, щун буго гIазаб,
ГIамалалда рекъон РахIманас кьураб.
Кьуниги щиб гьанже гьадият - цIваби,
ЦIар дур рагIизего бокьуларезе.
Бокьарабги гьабун гьаб ракьалда тIад
ТIуралин ракIалде, вореги, ккоге.
ВабилгIакса сверун гIумруги хисун
Хварасул бакIалде рачIин кколебин.
БукIа абе адаб дур киназдего,
Карим гурхIа абе гъалатI ккаразда.
Ккараб бичIчIи буго бищун лъикIаб жо,
ЛъалкI бацIцIун тей буго талихI бугеб жо.
