Щив чи кколев устар?

Щив чи кколев устар?

ТIарикъаталъул вирдал саликасда манлъизе

ХIабибас изну кьурав маъзун вуго КIудияв.

Машаихзаби рекъон, акътIабаз къабул гьавун,

Акъраналъан вищарав муршид вуго КIудияв.

Машрикъ-Магърибалде ун тIалаб гьавизе ккарав,

Гьидаят бокьаразе далил вуго КIудияв.

Дагъистан икълималъе бакъул гIадаб нур бугев,

КъутIбаниййат хIакълъарав хIалим вуго КIудияв.

ХIакъикъатгун магIрифат камил гьабун тIубарав,

Кумалазул цевехъан - устар вуго КIудияв.

Амру-нагью тIубалев, ТIагьал суннат цIунулев,

Садатазул муштарик - шайих вуго КIудияв.

ШафигIасул нух кквезе тавфикъ кьурал чиязе

Таважжугьал гьарулев гьади вуго КIудияв.

Гьесул машрабалдаса гьекъезе бокьаразе

Бикьеян амру бугев амин вуго КIудияв.

Аллагьас тIоритIарал ТIагьаясде рачине,

Меседил мигIраж лъолев гIалим вуго КIудияв.

ГIакъабатал тIутIулев латIаифал къачIалев,

ЧIаго хварал ракIазул тохтур вуго КIудияв.

Халикъасде гIагарлъи гIабдас тIаса бищидал,

Гьоркьов чIун нух манлъулев васитI вуго КIудияв.

Расуласул берцинаб нух ккурав муридасде

МаъулхIаят чвахулеб мизаб вуго КIудияв.

Мунагь-хатIа гIемерал тавбуялде тIамулев

ТIагьаясул ирс щварав варис вуго КIудияв.

Дунял-ахираталъул хазина кодоб бугев,

Халкъалъул Хириясул мугIин вуго КIудияв.

Дарул фанаалдаса пайда боссе бокьараз

Файиз тIалаб гьабулеб бахIру вуго КIудияв.

Диналъул умуразулъ ишкал ккараб бакIалда

РакIчIараб фатва кьолев муфти вуго КIудияв.

Фукъагьаал хIайранаб суалалъе жаваб кьун,

Жагьил гIалим гьавулев гIакъил вуго КIудияв.

ГIилмиял ахIкамазулъ сарихIаб рагIи бицун,

ГIалим кантIизавулев камил вуго КIудияв.

СагIид Афандиясул рухIияб ирсалдаса