Жакъа чIагоялгун, метер хваралгун

Жакъа чIаго вуго хваразда цеве,

Дица гьазий дугIа гьабулеб буго.

Метер хвезе ирга дидеги щвела,

Дирги цIар хваразулъ даимго хъвала.

Дир гIумрудул къоял тIагIунел руго,

Ахираталъул рукъ балагьун буго.

Бокьун гьечIо хвезе, рухI хира буго,

Абадиялъ дунял дие кьун гьечIо.

ГьитIинаб лъимерлъи, эбел-инсул рукъ,

ГIанчIаб гIолохъанлъи, гIумрудул нухал.

Росдал гIадамалгун магIарда, хурив,

Херлъи бачIун щвана, ана дир гIумру.

ГIизраил малаик щвела дихъеги,

Дунялалъул канлъи дихъа бахъила.

Росдал хабзалазда хоб дий бухъила,

Дида букIараб цIар зонода хъвала.

Тухум-кьибилалъе дир цIар цIилъизе,

Цоги вас вачIина дуниялалде.

Замана сверила, гIелал хисила,

Харбие хутIила дирги доб гIумру.

Дица чIаго толел нужеде гьари,

Хварал дугIа камун нужеца тоге.

Метер хвалил ирга нужехъги щолин,

Дунял гьаниб тезе хIадур рукIа нуж.

Сулайман МухIаммаднуров, ЦIиликь росу