СагIид-афандиясде (къ.с.)

РахIму-цIоб гIемерав, гIалам бижарав,
ГIатIидаб тавбуги нижее кьурав,
Авал-ахир гьечIев, Гьади-Щакурас
Шагьидлъарав инсан кIодо гьавуна.

Шагьидлъарав инсан хун гьечIин абун
Хирияв Халикъас аят кьун буго.
Анищ шагьидлъизе жиндир букIарав
ТIагьаясул варис - СагIид-афанди.

Меседил силсила гвангъарав устар,
Унти бачIарасе гIазизав тохтур,
Чанги жагьиласул гIалим гьавурав,
Гьидаятлъун кьурав гIалам бижарас.

ВачIа, нижер муршид, Дагъистаналде,
Диналъе рухI кьурал шагьидзабигун.
ВачIа, нижер къутIбу, кIочон ниж тоге,
АхIмад-хIажиясе кумек гьабизе.

Гьаб гIемераб квешлъи, квешаб унтиги
ТIаса босейилан дугIа гьабизе.
Дурго муридазул ракIал чучизе,
Чорокаб гIамалги рикIкIад гьабизе.

ВачIа, нижер къутIбу, урхъун ниж ругин,
Дуде балагьизе анищ ккун бугин.
Квешго къулубазе унти ккун бугин,
РухIияв инсуца сапар бухьиндал.

Бокьараз босизе гIелму хIадурун,
ХIажатаз цIализе тIахьал хIадурун,
ТIолабго ракьалда чирахъал ракун,
ТIубана кIудияс ахирисеб парз.

Чанги рохел буго дур дин ккурасе,
Касбу-ахлакъатги берцин гьабулеб.
Чанги жагьилчиги вацIцIад гьавулеб,
БацIцIадаб гIелмуги дур нухда буго.

Дунял-гIаламалъе ТIагьа вижарав,
ТIолго умматалъе рахIматал кьолев.
Нижеда гурхIулев, хирияв Аллагь,
Кьеги нижер ахир тавбу къабулаб.

РАМАЗАН КАВХАНОВ, ДИУЯЛЪУЛ МУТАГIАЛИМ