Нужее баяналъе
- Кинал сурабазда рехсараб хIеж ва гьелъул ахIкамал?
– «Бакъара», «Алу ГIимран», «Маидат» сурабазда.
- Ирсалъул ахIкамал мухIканго ва баянго щиб сураялда рехсарал?
– Сура «Алу ГIимраналда».
- Щиб аяталъ баян гьабураб чIахIиял мунагьаздаса рикIкIалъи гIисинал мунагьал чуриялъе сабаблъун бугин абун?
– Сура «ан-Ниса», аят 31.
- Сура «Ннас» абун цIар щай тараб?
– Щайгурелъул авалалда гьедин абиялъ. Гьеб рагIи гьениб ункъо нухалъ такрарлъана.
- «Жинн» абун сураялда цIар щай тараб?
– Щайгурелъул авалалда Аварагасде ﷺ хитIаб гьабуна жиналги рехсон.
- Рузман къоялъ ва сордоялъ цIализе бихьизабураб сура кинаб кколеб?
– Сура «Кагьф».
- Кинав асхIабасул цIар рехсараб Къуръаналда?
– Зайд бин ХIарисил, сура «ал-АхIзаб», аят 37.
- ГIараб мацIалда тажвидалъул магIна щиб?
– Берцин гьаби абураб.
- Тажвид-гIелмуялъул мурад щиб?
– МацI цIуни, Аллагьасул ﷻ тIехьалда жаниб хатIаъ гьабиялдаса.
- Чан сон букIараб Аварагасул ﷺ къурайшиялгун КагIба базе данделъидал?
– 35 сон.
- КагIбаялда тIоцебе дарай ретIарав чи щив вукIарав?
– ХIажаж бин Юсуф ас-Сакъафи.
- Щиб сура кколеб гIалимзабаз жиндирго хIакъалъулъ азарго къисаялде, азарго амруялде ва азарго нагьюялде щвей гьабулебин абураб?
– Сура «ал-Бакъара».
- Гьабилилги Къабилилги къиса щиб сураялда рехсараб?
– Сура «ал-Маидаталда».
- Кинал заманаби ТIадегIанав Аллагьас ﷻ Къуръаналда рехсарал?
– Рогьел, бакъанимех, маркIачIул гIуж, къад мех, сордо, рогьалил гIуж, къаси мех.
- Къуръаналда бугеб бищун гьитIинаб сура щиб?
– Сура «ал-Кавсар».
