Аслияб гьумералде

ЦIалдолезул пикраби

ЦIалдолезул пикраби

Газеталъул ахирисеб номералда кьун букIана «Кинал нигIматал гIезарулел нужерго ахал-хурзабахъ?» - абураб суал. Гьелъие рачIарал жавабал кьолел руго гъоркьехун:

  • Помидор, охцер, курак, микьир, багIли, соно, кокон, цIибил, гIеч, гени.
  • Бахча-хур гьабизе заманго толаро хIукуматалъул хIалтIабаз. КъваригIарабщинаб пихъ базаралдаса босула. Гьедин гьаби бигьаябги батана.
  • Курак, микьир, гIеч, гени, цIибил, жага, багIли, коком, хурма, кари ва цогидабги.
  • Хурзал-ахал чара гьечIого жакъа хIалтIизаризе кколеб заман бачIун буго. Базаралда бичулеб нитратазул цIураб букIуна. Гьеб сабаблъун гIемерал унтабиги тIаде рачIуна. Гьениса бичун босулебщинаб хуриб бекьула дица. Нилъецаго сахлъи цIуничIони, лъицаха цIунилеб?
  • Ах гIун бачIунеб буго, гьединлъидал гьениса бачIунеб жо жеги гьечIо. Руго гIечул, куракул, мокьрол, багIлидул, жагадул гъутIби. ПастIабахъ гIезабула памидор, охцер, баклажан, ах сверун хьала семечка, цIоросаролъ. Араб соналъул риидалил заман карантиналъулги ккун, цересел соназде дандеккун лъикIго хъулухъ гьабизе щвана хуралъе, гьелъ хIалухъинги разияб хIалалда бачIана. Аллагьас хъван батани, исанаги хьул буго хур битIилин абун.

Хадусеб номералъе суал «Налъи тIадбуссинабизе захIмалъулищ нужее?»

  • Хуриб бекьараб жо хIутIаз кванан лъугIулеб буго.
  • Шагьаралда букIунеб регIунгутIиялъ гIемерго аххуралде регIизе щоларо, кин бугониги гIодоркъояз гьабунги бажарараб гьабула. ГъутIби руго гIеч, гении, микьир, курак, багIли гIадал нигIматазул. Хуриб хIалтIула хъизан, гьелъ гIезабула гIиси-бикъинаб, квен-тIехалъе хIалтIизабулеб гIурччинлъи.
  • Ламадур, пер, цIоросаролъ, курак.
  • МагIарухъги вукIун ах-хур хIалтIизабичIого щиб гьабилеб? ГIезарула батIи-батIиял гъутIби, бекьула картошка, цIоросаролъ, багIаргьоло, хъапустIан, чIалкIутIан гIадал хIажалъулел нигIматал.
  • Ах-хур гъутIбузул цIезабуна 2 лъагIелалъ цебе. Гьенир рекьана батIи-батIиял гъутIби. ГIемерисел руго мокьрол гъутIби. Санайил гьезие хъулухъги гьабула.
  • Ресги заманги букIаго ах-хур хIалтIизабуларев, хIайванал хьихьуларев чи вукIине бегьуларо. Машинаялда жаниб лъикIаб, бацIцIадаб бензин тIедал гьеб лъикI хIалтIула. Гьебго мисал инсанасулги буго. Базаралдаса босараб, дарабазул цIураб квен чохьонибе хъвайдал щиб хIалха чиясул букIинеб? ГIибадат гьабизе бигьа букIине бокьани, рокъоб гIезабураб кваназе ккола. Аллагьас кумек гьабеги.

ХIурматиял цIалдолел. Газеталъул щибаб номералда, «ЦIех-рех» абураб рубрикаялда гъоркь, нужее кьезе буго цо-цо суал. Гьелъие жаваб битIизе бегьула СМС хIисабалда гьаб номералде (ватцап): 7-988-458-16-63. Нужеца ритIарал жавабал рахъизе руго хадусеб номералда.

2026-09-15 (РабигIул ахир 1448 с.) №18.


Аллагьас ﷻ цIунула

Балагь, рекIее хIалхьи толарел ахIвал-хIалал ва захIмалъаби тIаде рачIуна нилъер щивасде. Гьаб дунялалъул рукъ гьедин гIуцIарабги буго. Амма нилъер гIумруялъул аслулъун бугеб мурад ва гьаб дунял жидее щиб бакI бугебали бичIчIи бугез дандчIварал къисматалъул киналго захIмалъаби къвакIун хIехьола....


КIудиял мунагьал

МацIихъанлъи гьаби ккола цо чияс абураб жо цогидасда бицин, гьелъ жинда бицарав чиясул жиндаса бицарав чиясдехун дагьабниги рокьукълъи, ракIхвей бижизабулеб бугони. Къуръаналда мацIихъан какун вуго. ХIадисалдаги буго мацIихъан Алжаналде лъугьинарин абун.   Гьел ккола Аллагьасул бищун ццим...


Сахаватав инсан

Нижер росулъа сахаватав инсан Чарандал вас ГIамиргIалица жиндирго инсул букIараб мина къачIазеги къачIан кьуна росдал мадрасалъе. Киналго росдал гIадамал кутакалда рохун ва разиго руго ГIамиргIалица гьабураб гьеб баракат цIикIкIараб ишалдаса. Гьанже рес рекъана мадрасаялда лъимал ва чIахIиял...


Гьикъизе нечараб бицине намусаб

Якьадги росги   Дир якьадалъе бокьун букIана жиндирго квартира къачIан лъугIизабизе ва гьелъ нижеда гьарана кумек. Дир росас, дидаги гьикъичIого, хIажатаб гIарац къарзалъ кьуна. ЛъагIел ана ва гьеб гIарац нахъбуссинабизе гIедегIунев чиги гьечIо. Дир рос нечола ракIалде щвезабизе ва дида...


Учительзабиги кIочон течIо

Хъайтагъ районалда тӀобитӀана РабигIул аввал моцӀалъе сайгъат гьабураб гӀелмияб мажлис. Гьелда гӀахьаллъана районалъул бетӀер ХӀасанов Запир; районалъул имамзабазул советалъул председатель - Салимов ГӀабдулла; Югалъулаб территориалияб округалда Дагъистан Республикаялъул муфтияталъул вакил Рамазанов...