Аслияб гьумералде

ЦIалдолезул пикраби

ЦIалдолезул пикраби

Иргадулаб номералъе гьабуна «Щиб гьабиялдалъун нужее хIалхьи, черхалъе рахIат щолеб?» - абураб суалалда хурхун цIех-рех. Гьелъие рачIарал жавабал кьолел руго гъоркьехун:

  • Заман щведал какиеги чурун паризаяб как байдал.
  • ЗахIматаб суал буго. Дида ккола гIадамаздаса гIицIго чIун гIумрудул пикру гьабиялдалъун щолин дие рахIат. Жеги хъизанагьлугун цадахъ ракIарун ругеб мехалъги щола рахIат.
  • Рокъоб рацIалъи гьабиялдалъун.
  • Как бараб мехалда щола хIалхьи.
  • РахIат гьабизе бегьулел жал гIемер руго, масала, хъизанлъималгун цадахъ гIалхуде ун цIияб гьаваялда хьухьбахъи гьаби, гьудул-гьалмагъзабигун хаба-чIабаралда вукIин, эбел-инсухъе щун ракI чучи, хIамамалде ун заман тIами ва цогидалги черхалъе ва пикруялъе рахIатал щолел ишал гьари. Гьел киназдаго гьоркьоб бищун черх чучулеб жо ккола щивго чи гьечIеб бакIалда ракI Аллагьасдаги хурхинабун тIарикъаталъул вирдал гьари.
  • ХIалхьи гIемерлъун балагь гурони гьечIо.
  • Кьижун кутакаб рахIат щола.
  • Рокъоса-гIебеде хIалтIи-пиша гьабидал.
  • ГIедегIичIого, гIодове виччан как бараб мехалъ батIияб хIалхьи щола черхалъе.
  • Заманалда бараб какалъулги, заманалда сверарал чIумазулги.
  • БацIцIадаб гьава-бакъ бугеб бакIалда вилълъанхъиялдалъун ботIрое хIалхьи щола.
  • ГIезегIан мехалъ кьижизе щведал.
  • ГIурул рагIалда гIодор чIеялдалъун.
  • Вирдал гьариялдалъун.
  • ХIухьбахъи, гьеб буго ракIалъе парахалъи. ХIалтIи яги гIарац букIа-букIунге, гьелда хурхараб жо хIухьбахъиялъул щибго гьечIо.
  • Радал вахъиндал цере чIезарурал масъалаби къоялъ тIуразарун бажаридал.
  • Черхалъе хIалхьи щолеб жо буго чвахун унеб лъеда аскIоб лъалхъиги гьабун цо-кIиго къоялъ диналъул вацалгун гIодов чIей гьабидал.
  • ЛъикIал диналъул вацалгун цадахъ вугеб мехалда щола хIалхьи.
  • 15 соналъ цебе букIаралда дандеккун, гьаб ахираб заманалъул халгьабидал, хIалхьи гьабизе ккараб хIалго бугищали лъаларо. Кинабго бигьалъун буго, амма хIалтIи гьабизе бокьулел чагIи дагьлъун руго.
  • ХIалтIудаса рокъовеги щун хъизан-агьлугун гIодов чIедал кутакаб хIалхьи бачIуна.
  • МоцIрол байбихьуда харж кодобе щведал парахалъи бачIуна.
  • Гьаб дунял муъминчиясе туснахъ бугелъул, рахIат балагьизе дун лъугьунаро. Дие бокьула кидаго хIалтIулев вукIине.
  • Диналъул вацазда цадахъ хIухьбахъи гьабизе индал.
  • Инсуца дие плейстейшен абураб хIай босун буго, амма заман цIан гурони хIазе кьоларо. Гьеб хIаялдалъун кутакаб талихI щола.
  • Бищунго черхалъе рахIат щолеб жо буго Аллагь I рехсей, ЧIикIаса КIудиясул тIахьал цIали, муфтиясул «ЛъикIал тIабигIатазул ах» абураб тIехь цIали. Гьел цIалиялдалъун кутакаб асар щола ва ракI рагьун бачIуна.

Хадусеб номералъе суал «МоцIрое щвараб мухьалъул гIемерисеб гIарац сунде хвезабулеб нужеца?»

ХIурматиял цIалдолел. Газеталъул щибаб номералда, «ЦIех-рех» абураб рубрикаялда гъоркь, нужее кьезе буго цо-цо суал. Гьелъие жаваб битIизе бегьула СМС хIисабалда гьаб номералде (ватцап): 7-988-458-16-63. Нужеца ритIарал жавабал рахъизе руго хадусеб номералда.

2026-09-01 (РабигIул аввал 1448 с) №17.


Кин цIуни гьабилеб?

Адамил лъимер битIараб нухдаса къосинабизе, квешаб гIамал гьабизе гьесизабизе кидаго хIаракат бахъула иблисалъ. Гьелдаса цIунизе инсанасе бищун кумек гьабула Аллагьасдаса ﷻ кумек тIалаб гьабиялъ.   Гьедин гьабейин Къуръаналда абулебги буго (магIна): «…рахIматалдаса бачахъараб...


Мавлидазул моцI

ТIадегIанав Аллагьас нилъер умматалъе кьураб кIудияб рахIматалдасан ккола нилъ МухIаммад аварагасул ﷺ умматалдаса гьари. Нилъ гьесул умматалдаса Аллагьас ﷻ гьариялдалъун гьевги кIодо гьавун, нилъее кьуна гIемерал бигьалъаби, цересел умматазе рукIинчIел.   Масала, Муса аварагасул шаргIалда...


Тафсир агьлуялъул маяк

Имамзабазул, хасго чIахIиял гIалимзабазул къимат лъала гьезул таржама гъваридго лъазабидал. Гьелдаго цадахъ имам вокьизеги вокьула. Амма лъаларев чи вокьизе кIоларо. Аварагас ﷺ абухъе, гIалимзаби ккола гьесул ирисилал. Щайгурелъул, Аварагас ﷺ жинда хадуб тола гIелму. Гьел ккола гьеб ирс босулел ва...


Лъаялъул байрам

Хъумторхъала райналъул ракьалда бугеб ЦIияб ГIурада росулъ тIобитIана лъай кьеялъул ва рухIияб тарбия щвеялъул мурадалда гIуцIараб байрам. Гьениб росдал лъималаз ва гьидерил росабалъа рачIарал гьитIичаз бихьизабуна жидерго лъай. Гьез цIалана Къуръан ва кьуна батIи-батIиял гIелмиял суалазе жавабал.


Камиллъарав авараг

Нилъее мисаллъун ва шаригIат малъизелъун Аллагьас ﷻ витIарав чи вуго хирияв МухIаммад авараг ﷺ. ТIадегIанав Аллагьас ﷻ Къуръаналда абун буго (магIна): «Аллагьасул расуласда буго нужее, я муъминзаби, берцинаб нахърилълъин…». (Сура «ал-АхIзаб», аят 21).   Нужеца...