Нужее баяналъе
Нужее баяналъе
- Маккаялда чан сура рещтIараб?
– 85 сура.
- Мадинаялда чан сура рещтIараб?
– 29 сура.
- Жиндалъун гурони как буцIцIунареб сура щиб?
– Сура «ФатихIа».
- «Аллагь мискинав вуго, ниж бечедал руго» абун лъица абулеб букIараб, жидер хIакъалъулъ Къуръаналдаги рехсарал?
– Ягьудияз.
- Щив асхIаб вукIарав цIикIкIун Аварагасда ﷺ релълъарав?
– ХIасан бин ГIали.
- Кинаб гъазаваталда Аварагасда ﷺ ругъун щвараб?
– УхIудалъул гъазаваталда.
- ГIибадаталъул магIна щиб?
– Гьеб ккола кинабниги Аллагьасе ﷻ бокьулеб ва разилъулеб щибаб жоялде щвей гьабулеб: рагIи букIа, пиша букIа загьирал ва батIиниял рукIа.
- ТавхIидалъул калима щиб кколеб?
– Лаилагьа иллаллагь МухIаммадун расулуллагь буго.
- Алжаналъул кIул щиб?
– Лаилагьа иллаллагь МухIаммадун расулуллагь абураб рагIи.
- Къуръаналда Гьуд аварагасул цIар чан нухалъ рехсараб?
– Ункъо нухалда.
- СалихI аварагасул Самуд къапила кин гьалаг гьабураб?
– Пири речIчIиялдалъун.
- Аварагзабазул эменилан лъида абулеб?
– Ибрагьим аварагасда.
- Щив аварагасе Аллагьас ﷻ кьун букIараб хIайваназул ва хIанчIазул мацIалъ кIалъазе гьунар?
– Сулайман аварагасе.
- Хвалчадалъун тIоцебе рагъ базе лъица байбихьараб?
– Ибрагьим аварагас.
- ГIарабазул эменилан лъида абулеб?
– ИсмагIил аварагасда.
