Нужее баяналъе
- НухI Аварагас чан сон бараб?
– 950 сон.
- СалихI Аварагасул щиб мугIжизат букIараб?
– Кьурулъа къватIибе къинаб варани бачIин.
- «Забур» лъихъе рещтIараб?
– Давуд аварагасухъе.
- Къуръаналда кинаб къиса далиллъун бачун бугеб Къиямасеб къоялъ тIолабго гIалам чIаго гьабиялъе?
– ГIузайр аварагасулгун ккараб къиса. Аллагьас ﷻ гьев нусго соналъ хвезавун чIаго гьавула ва бихьизабула жив ва сверухъ бугеб кин чIаго гьабулевали.
- «НухI» абун сураялъе цIар щай кьураб?
– НухI аварагасда сверухъ чанго къиса рехсеялъ.
- Щиб сураялда жаниб 18 аварагасул цIар рехсараб?
– Сура «АнгIам».
- Юсуф аварагасул цIар Къуръаналда чан нухалъ рехсараб?
– 26 нухалъ.
- Ансариязухъе ислам малъизе щив витIун вукIарав?
– МусгIаб ибну ГIумайр.
- Гьижра гьабизегIан рещтIарал сурабазе кинал цIарал кьурал?
– «Маккаялъул сураби» абун.
- Адам аварагас чан соналъ гIумру гьабураб?
– 1000 соналъ.
- Сура «Тавбуялда» жаниб тавбу абураб рагIи чан нухалъ рехсараб?
– 11 нухалъ.
- Баянго Бадруялъул гъазават кинаб сураялда рехсараб?
– Сура «Анфал».
- Кинаб сураялда жаниб Хизрилги Мусалги къиса рехсараб?
– Сура «Кагьф».
- Сура «Анбияъ», ай Аварагзаби абун щай гьелъие цIар кьураб?
– 15 аварагасул цIар рехсон букIиналъ.
- ГIумар-асхIаб чан сон байдал хварав?
– 63 сон байдал.
