Нужее баяналъе
1. «Къаф» абун сураялда цIар щай тараб?
– «Къаф» абун байбихьулеб букIиналъ.
2. Сура «ВакъигIат» абун цIар щай кьураб?
– «ВакъигIат» абун авалалда рехсеялъ ва Къиямасеб къоялъул бицунеб букIиналъ.
3. Чан нухалъ бакъ рехсон бугеб Къуръаналда?
– 32 нухалъ.
4. Кинаб аят кколеб ТIадегIанав Аллагьас ﷻ тIолабго сахлъи жиндилъ данде гьабураб?
– Сура «АгIрафалъул», 31-абилеб аят. «Нуж кванай ва гьекъей, амма исрапчилъи гьабуге», - ян абураб.
5. ЦIваби чан нухалъ рехсарал Къуръаналда?
– КIиго нухалъ.
6. Къиямасеб къо чан нухалъ рехсараб?
– 48 нухалъ.
7. Къуръан абун чан нухалъ бачIараб?
– 68 нухалъ.
8. Щиб сура кколеб гIалимзабаз жиндирго хIакъалъулъ абураб азарго къисабазде, азарго амруялде ва азарго нагьюялде щвей гьабулеб?
– Сура «ал-Бакъарат».
9. Къиямасеб къоялъул цIар тIоцебе Къуръаналда киб рехсараб?
– «Явму ддин» абураб сура «ФатихIаялда» рехсана.
10. Кинав аварагасул амруялдалъун гьури пулеб букIараб?
– Сулайман аварагасул.
11. «Бакъарат» сура рокъоб цIалани щиб букIунеб?
– ШайтIан лъутула.
12. Щиб сураялъ ризкъи тIаде цIалеб?
– «ВакъигIат» сураялъ.
