Аслияб гьумералде

Бакъ: гьудулищ, тушманищ?

Бакъ: гьудулищ, тушманищ?

Хъизамалъул, рукъалъул ургъалабазул цӀураб заманалда руччабазда кӀочон тола жидерго тIалаб-агъаз гьабизе. Нилъер берцинлъиги сахлъиги ккола ТӀадегӀанав Аллагьасул сайгъат ва гьел цӀунизеги ккола.

 

Нилъер гӀумруялда жаниб кӀудияб бакӀ ккола бакъул нуралъ. Гьелъ кумек гьабула черхалъе, лугбал щула гьарула ва иммунитеталъе хӀажатаб Д витамин кьола. Амма гьелдаго цадахъ бакъудаса бачӀуна тӀомое зарал гьабизе бегьулеб ультрафиолет (УФ). УФалъ, нилъер тӀом щулалъиялъе ва гӀолохъанаб сипаталъе жавабчилъи кьолел белкабазе, коллагеналъе зарал гьабула. Гьелъ рачуна заман щвелалдего херлъиялде, гьурмада тӀанкӀал лъугьиналде (веснушкаби, пигментация), гьумералъул кьер иналде. Гьебго УФ ккола тӀомол рак унти ккеялъе аслияб гӀиллалъунги.

 

Бакъул заралалдаса кин цӀунизе кколел?

Исламалъ нилъ ахӀула Аллагьасул аманатлъун кколеб черхалъул тӀалаб-агъаз гьабизе. Гьединлъидал, дурго тӀом бакъудаса цӀуни ккола гӀицӀго берцинлъиялъе гIоло гуреб, Аллагьасе шукруялъул ва дурго жавабчилъи букIиналъул загьирлъилъун. Гьале цо-цо гӀадатал, амма хӀасил кьолел малъа-хъваял:

  1. ХӀалуцараб, багIарараб заманалда битӀахъе бакъудаса рикӀкӀалъе. Бищунго хӀалуцараб УФ букIуна радал сагӀат 10-ялдаса бакъанида сагӀат ункъоялде щвезегӀан.
  2. ХӀалтӀизабе бакъудаса цӀунулеб крем. Гьеб ккола бакъул заралалде данде къеркьеялъе аслияб кумекчи. ТӀаса бище бакъудаса цӀуниялъул SPF (Бакъул цӀуниялъул коэффициент) цӀикӀкӀараб крем: щибаб къойил хӀалтӀизабизе ккани, лъикӀаб букӀуна SPF 30, бакъукь халат бахъун рукIине ругеб мехалъ SPF 50 ва гьелдаса цӀикӀкӀараб. SPFалда тIад хъван букIине ккола «гӀатӀидаб спектралъул цӀуниялъе», - ян. Бакъудаса цӀунулеб крем бахине ккола къватIире рахъиналде 15-20 минуталъ цебе, тӀом бакканщинаб бакIалда, сахаватаб къадаралда. Щибаб кӀиго сагӀат индал, лъим хъвани яги цӀакъго гIетI бани, цӀидасан бахина.
  3. Бакъудаса цӀуниялъе ретӀел ретӀе. Аллагьас ﷻ тIадкъараб хIалалъ ретIараб ратIлица чIужугIаданалъул черх камилго бакъудаса цӀунула.

Нилъеца нилъерго чорхол тӀалаб-агъаз гьабулеб мехалъ, нилъеца гьабула Аллагьасул сайгъатазул адаб. Нилъер тӀом цӀунизе гьабулеб хӀаракат букӀине биччанте ракӀбацӀцӀадаб гӀибадатлъун ва ТӀадегӀанав Аллагьасе шукру гьабилъун.

 

Хадижат Хизриева

2026-09-15 (РабигIул ахир 1448 с.) №18.


ГIажаибаб мугIжизат

Къуръан ккола жибго бищун кIудияб мугIжизат. Ва щибаб нухалъ гьеб лъазабидал гIажаиблъизеги гьарула. Гьелда жаниб географиялъулги хIикматал руго.   Аллагьас ﷻ Къуръаналда абуна: وَهُوَ الَّذِي خَلَقَ اللَّيْلَ وَالنَّهَارَ وَالشَّمْسَ وَالْقَمَرَ كُلٌّ فِي فَلَكٍ يَسْبَحُون   МагIна:...


Кванил адабал

Кваназе байбихьилалде цин кверал чурила, гьелъ кванида баракат лъола, цинги «Бисмила» бахъила ва абила: «Аллагьумма барик лана фима разакътана ва къина гIазаба ннари», - абун. Кваналев чиясул ниятги букIина диналъе къуват бачIинеян абураб. Гьединаб ниятгун кванани, квенги...


Якутскиялда «Лъаялъул сордо»

Якутскиялъул аслияб мажгиталда тIобитIана МухIаммад аварагасул ﷺ хIурматалда «Лъаялъул сордо» абураб цIаралда гъоркь тадбир. Гьелда гIахьаллъи гьабуна ДРялъул муфтияталда цебе бугеб регионалияб цебетIеялъул департаменталъул нухмалъулев АхIмад Надирбеговас ва гьесул заместитель ГIизраил...


«Инсаналъ» къотIи гьабуна

«Инсан» фондалъул генералияв директор щвана РФялъул президентасда цебе бугеб Дагъистан Республикаялъул вакиллъиялде ва гьенив дандчӀвана республикаялъул вакиласул ишал тӀуралев Нагиев Руслангун ва гьесул гьалмагъзабигун. Данделъиялда бицана цадахъ рекъон хӀалтӀиялъул бугеб кIваралъул, цадахъ...


ХIикматал махлукъатал

КIвахIачал   КIвахIалал абун цIар лъурал хIайванал руго цIакъ хьвади хIинцал жал. Гьез кванала гъотIол тIамхал. Цаби рукIуна бащадал ва цо формаялъул. Цересел хIатIал нахъисездаса халатал руго. Рас буго чахьалдаса мугъзаде сверун бижараб. ЛъикI бихьула, махI бачине кIола, амма гIинда бакIаб...