Аслияб гьумералде

Къуръаналда рехсараб

Къуръаналда рехсараб

Варани ккола бищунго гIажаибаб ва Къуръан-хIадисалда рехсеялдалъун хира гьарурал хIайваназул цояб. ТIадегIанав Аллагьас ﷻ сурату «аль-Гъашияталда» абулеб буго: «ГIадамал ралагьуларищ варанабазухъ, кинаб къагIидаялъ гьел рижун ругелали», - абун.

 

Инсанас вараниялъул гIуцIиялъул пикру гьабуни, гьеб гьесие гIела, БетIергьанасда иман лъезе ва квешаб тун, лъикIалде вуссине.

Свалат-салам лъеяв аварагас гьелъул хиралъи бицун хIадисалда абулеб буго: «Нуж вараниялде рагъуге ва хьандоге, хIакълъунго, гьелдалъун гIадамасул би тIей нахъчIвала», - ян. Гьелъул магIна буго къисас босун чIвазе бегьулев чи, нусго варани кьеялдалъун хвасарлъулин абураб. Гьединго, хирияв аварагасул ﷺ хIадисалда абулеб буго: «Варанабазулъ нужее тIадегIанлъи буго, чахъабазулъ нужее баракат буго, чуязулъ нужее лъикIлъиги хайирги буго къиямасеб къо чIезегIан», - абун.

«ХIаятул хIайванат» абураб тIехьалда хъвалеб буго: «Щибаб хIайваналда ццин букIуна вараниялда хутIун, гьелъие гIоло буго гьеб кутакалда сабру цIикIкIараблъун», - абун.

Гьоркьохъеб къагIидалда вараниялъ 40-50 соналъ гIумру гьабула. Вараниялда кIолеб буго къокъаб манзилалда 65 км/ч бекеризе, халатбахъараб нухда 40 км/ч билъинеги. Къечараб мехалъ гьеб хIалакълъулеб буго жиндир цIайиялдаса 20-25 проценталъ, лъим щведал хехаб къагIидалда тIадеги бачIунеб буго. Лъимги халеб буго.

 

МухIаммад Салманов

2026-09-15 (РабигIул ахир 1448 с.) №18.


ГIажаибаб мугIжизат

Къуръан ккола жибго бищун кIудияб мугIжизат. Ва щибаб нухалъ гьеб лъазабидал гIажаиблъизеги гьарула. Гьелда жаниб географиялъулги хIикматал руго.   Аллагьас ﷻ Къуръаналда абуна: وَهُوَ الَّذِي خَلَقَ اللَّيْلَ وَالنَّهَارَ وَالشَّمْسَ وَالْقَمَرَ كُلٌّ فِي فَلَكٍ يَسْبَحُون   МагIна:...


Ракьулъ бижулеб гIурдахIан

Камъат (гIараб мацIалда факъгI абунги лъала, гIурус мацIалда трюфель) ккола ракьулъ бижулеб кваназе бегьулеб гIурдахIан. Хасго гьеб гIемер батула ГIагараб Машрикъалъул ва Шималияб Африкаялъул авлахъазул гIатIилъабазда, гьениб гьеб загьирлъула цIад бан хадуб. Гьеб гIажаибаб ракьалъул нигIматалъе...


Гъваридаб лъай

Гьале тIаде щвана цIалул заман. Киналго лъимал школаздеги, студентал цIалул идарабаздеги хьвадун байбихьула жидерго лъай цIикIкIинабизе. Исламалда лъай тIалаб гьабиялде кьола бищун цIикIкIун кIвар. Гьелде тIоритIел гьабулел аяталгун хIадисал гIемерал руго. Цересел номеразда гьелъул хIакъалъулъ...


Щай рахъунел?

Мавлид ахIулеб заманалда бусурбабазда гьоркьоб машгьураб гIадат буго, МухIаммад авараг ﷺ гьавураб лахIзаталъул ахIулелъул, киналго тIаде рахъунеб. Гьебги гьабула Аллагьасул Расул вокьиялъул, рохелалъул, гьесие гьабулеб адаб-хIурматалъул гIаламат хIисабалда.   Гьеб гIадат къабул гьабурал...


Якутскиялда «Лъаялъул сордо»

Якутскиялъул аслияб мажгиталда тIобитIана МухIаммад аварагасул ﷺ хIурматалда «Лъаялъул сордо» абураб цIаралда гъоркь тадбир. Гьелда гIахьаллъи гьабуна ДРялъул муфтияталда цебе бугеб регионалияб цебетIеялъул департаменталъул нухмалъулев АхIмад Надирбеговас ва гьесул заместитель ГIизраил...