Ленинградалъул блокадаялъул хIакъикъат

Нилъеца гIумру гьабун бугеб мех буго кутакалаб квен-тIех, ретIелхьит гьарзаяб. Нилъеда, хасго гIун бачIунеб гIелалда, ккола гьадин букIун батилин кидагойилан абун.

Цогидаб заманалъулцин бицине ккеларо, гьабсагIаталда Африкаялъул континенталда гIумру гьабун ругезул гIемерисезе щоларо гIорцIизегIан кваназе квенцин. Гьединго балагье тарихалде. КIудияб ВатIанияб рагъул заманалда букIана кутакаб ракъикъеч. Амма бищунго къо бихьарал гIадамал ккола Ленинградалъул блокадаялда рукIарал.

900-гIанасеб сордо-къоялъ бетIер тIаде борхизе течIого сверун ккун рукIана гьел. Гьеб заманалда жаниб 650 азаргоялдасаги цIикIкIун чи хвана. Гьезул лъабго процент гурони хвечIо тушманасул гулликье ккун. ХутIарал хвана ракъуца. Гьезие кьолеб букIараб чадил хIакъалъулъги киназдаго лъала. Гьелда гъорлъ цIакъго дагьаб къадар гурони ханждал букIунцин гьечIо. ГIемерисеб мехалъ чед гьабулеб букIун буго цIулал ххара яги гъотIол макъар ххенон.

Гьединабцин чед байбихьуда сордо-къоялъе 600 грамм кьолеб букIун батани, ахиралда гьеб къадар 250 граммалде ккун букIана. Гьединаб чед гьабизе байбихьана киналниги нахърателал лъугIараб заманалда. ХIатта гIадамазе квание хIалтIизабуна хIанчIазе ва боцIуе хIадурараб квен, гьелъги саламатаб заманалда ракъи ккуна

Гьединаб хIал букIаниги, гьел чагIаз яхI рехичIо. Гьелъие нугIлъи гьабула цоцазе гьабулеб букIараб кумекалъул, чадил цо гьитIинаб кесек тIаса бекун цогидасе кьеялъул хIужабазул рицунеб рагIараб мехалда. Балагье гьанже нилъехъги.

Рощнолъе бан батула щибго ккечIеб нигIмат, ретIелкун. Доб цебе рехсараб гIадаб хIал нилъедеги бачIине рес буго гьедин нигIмат инжит гьабулеб бугони. Борцеха нилъелъ бугеб чIухIиги, дозулъ букIараб гIадатлъиги. Диналъул агьлу, гьедин тIасан ккун рукIине бусурбабазе рекъоларо.

Исламалъ нилъ ахIула чIухIиги рехун тун, гIадатияб гIумру гьабиялде. Нилъее кьурал нигIматаздаса берцинго, къиматалда пайда босиялде. Гьеб кинабго жоялда цIарги буго шукру гьаби. РачIа, диналъул агьлу, нигIматазе шукруги гьабун, Аллагьасе гьабулеб гIибадат цIикIкIинабилин.

САЛМАН МУХIАММАДОВ

2026-10-01 (РабигIул ахир 1448 с.) №19.

Дагъистаналъул муфти, шайих АхIмад-афанди дандчIвана Жидда шагьаралда бугеб Россиялъул генералияв консуллъун хIалтIарав Багьавудин ГIалиевгун. Багьавудиница АхIмад-афандида баркана гьавураб къо ва гьарана лъикIабщинаб. Гьединго гьез бицана жакъа дандчIвалел ругел захIмалъабазул, гьел тIуразе...

ЦIоросаролъ ккола ракъи буссинабулеб ва халкъалда гьоркьоб машгьураб нигIмат. Гьелъулъ белок, клетчатка, витаминал ва минерал гIемер руго. ХIалакълъизе хIаракат бахъулел гIадамаз гьикъула, диетаялда вугеб мехалда цIоросаролъ кваназе бегьулищин абун. ЦIоросаролъалъ кумек гьабула гIорцIизе....

Гуренж Гуренжал (пиявкаби) ккола цебегоялдаса нахъе медицинаялда хIалтIизарулел рухIчIаголъаби. Гьез лъола 10-15 хоно, амма 1-5 гурони тIинчI бахъуларо. Цо гуренжалъ гIумруялда жаниб лъола 2-10 нухалда хоно. «Плоская пиявка» абураб тайпаялъ хоно биччан хадуб гьеб...

(Байбихьи цебесеб номералда) АсхIабзабазул ургъел ва кумек Сапаралде вахъаралъув Авараг ﷺ вукIана цевехъанлъун гуревги, жинда божилъи гьабулев гьалмагълъунги. Гьев кидаго вукIунаан аскаралда яги къапилаялда нахъа-нахъа, хадур ккаразе, загIипазе, унтаразе кумек гьабизелъун. Гьелъие...

Инхо росулъа шайих ГӀабдулхӀамид-афандиясул гӀумруялъе ва рухӀияб ирсалъе сайгъат гьабураб «Аварагасул ирс» абураб фильмалъул цебелъеялда гӀахьаллъана Дагъистан Республикаялъул муфти, шайих АхӀмад-афандиги. Гьеб тадбир тIобитIана «Россия – дир тарих» абураб тарихияб...

Ленинградалъул блокадаялъул хIакъикъат