Даран-базар гIемерлъи

Къиямасеб къо тIаде щвеялъул гIисинал гIаламатаздасан ккола даран-базар тIибитIи. Аварагасул ﷺ заманалда даран-базар гIемерисеб бихьиназ гьабулаан. Жакъа абуни руччаби цере ккун руго.

«Даран-базар тIибитIи, хIатта чIужугIаданалъ росгун цадахъ гьабизе буго бича-хиси», - ян буго хIадисалда (АхIмад).

Цоги хIадисалда буго: «Къиямасеб къоялъул гIаламатаздасан ккола боцIи-мал цIикIкIин, даран-базар тIибитIи», - ян (Ан-Насаи).

Даран-базар шаргIалъ беццараб пиша буго. БитIараб нухде хIалтIизабулеб бечелъиги какун гьечIо. Какараб буго шаргIалъул нух кIочон тей. ЦIикIкIун гIарац щвезелъун дин бичизе хIадур рукIуна гIемерисел. Хасго пасалъи рещтIинабула, росасул разилъиги гьечIого, ричаризе къватIире рахъарал руччабаз. Къайи босизе унел ругинги абун, махIрамиявги цадахъ гьечIого, къватIисел улкабаздецин уна гьел.

Гьаб заманалда цохIо рос хIалтIун тIубалеб гьечIо, чIужуги яхъине кколей йиго хIалтIизе. Амма шаригIаталъул нухги тун тиризе бегьуларо дунялалъул боцIуе гIоло. Цо-цо мехалда руччабаз россабаздасаги цIикIкIун гIарац гьабула ва цинги рукъалъул бетIер жалгойин ккола гьезда. Росасде хIажатай гьечIилан байбихьула гьесухъ гIенеккунгутIизе. Гьеб мехалъ байбихьула хъизаналъуб ишкал.

Аллагьас ﷻ кумек гьабеги шаргIалъул нух ккун, Гьев ﷻ разияб хIалалда хьвадизе.

Камил МухIаммадов

2026-09-15 (РабигIул ахир 1448 с.) №18.

Гьале тIаде щвана цIалул заман. Киналго лъимал школаздеги, студентал цIалул идарабаздеги хьвадун байбихьула жидерго лъай цIикIкIинабизе. Исламалда лъай тIалаб гьабиялде кьола бищун цIикIкIун кIвар. Гьелде тIоритIел гьабулел аяталгун хIадисал гIемерал руго. Цересел номеразда гьелъул хIакъалъулъ...

Гьаб заманалда гIемерисеб мехалда дунялалъул ишазда сверун лъугьун рукIиналъ нилъ лъугьунел руго аслияб иш кIочон толеллъун. Нилъер ракI буго черх чIаго гьабун би жиндасан сверулеблъун гуребги иманалъул ракIбацIцIалъиялъул унго-унгоял бусурбабазул хасияталъул бакI ва нилъ Халикъасда ﷻ хурхинарулеб...

Хьаргаби районалъул МагIли росулъ рагьана цIияб мадраса. Гьелъие цIарги кьуна Дагъистаналъул муфти, шайих АхIмад-афандиясул. Мадрасалда чIезарун руго киналго шартIал. Руго цIалул кабинетал, библиотека ва мутагIилзабазе хIажатабщинаб. Мадраса рагьиялъул хIурматалда тIобитIана динияб мажлисги....

Абу-Гьурайратидасан Бухарияс бицараб хIадисалда аварагас ﷺ абулеб буго: «Аллагьас ﷻ абуна, щив чи вугониги дир валиясе зарал гьабун (жинца гьев тушманлъун ккун, гьесда ццим бахъун), дица гьев чиясда рагъ лъазабула», - ян. Жинда Аллагь ﷻ гурхIаяв Факигьанияс абуна: «Щив чи вугониги...

Дагъистаналъул муфти, шайих АхӀмад-афандица, ГӀиса аварагасул цIаралда бугеб централда къабул гьавуна Гъарабудахкент районалъул Параул росулъа гӀараб каллиграфиялъул устар Аширлаев Сулейман. Гьес сайгъат гьабуна хирияб Къуръаналъул жинцаго квералъ хъвараб, цогидаздаса батӀияб нусха. ГӀага-шагарго...

Даран-базар гIемерлъи