Цогидасе унге...

Чанго нухалда росасе арай гIадан кинав росгун Алжаналда йикIуней? Бихьинчиясул чанго чIужу йикIунебгIадин, чIужугIаданалъул чанго рос вукIине рес бугищ Алжаналда? Дунялалда йикIаго ригьнаде инчIей гIадан, Алжаналда росасе унейищ?

Алжаналда чIужугIадан йикIине йиго дунялалда вукIарав росгун, гьел кIиялго Алжаналъул агьлулъун ратани. ХIузайфа-асхIабас лъадуда абун буго: «Дуе Алжаналдаги дир лъадилъун йикIине бокьун батани, дун хун хадув цогидасе унге. Щайгурелъул, Алжаналда чIужугIадан дунялалда вукIарав ахирисев росгун йикIуна», - ян.

Абу Дарда-асхIабасул йикIарай лъади Умму Дарда гьарулей йикIун йиго Абусуфянил МугIавиятица. Гьелъ инкар гьабун буго, хIадисалда рекъон, ахирисев росгун йикIунин чIужугIадан Алжаналда, жиндиеги Абу Дардагун йикIине бокьун бугинги абун.

ГIалимзабазул цогидаб пикруялда рекъон, дунялалда гьелъул рукIарал россабазда гьоркьоса бищун гIамал берцинавгун йикIининги буго. Цоги рагIи буго, гьелъие жиндиего тIаса бищизе ихтияр кьолинги.

Бихьинчиясул чанго чIужу йикIун ятани, гьел Алажаналдеги ани, гьенирги гьел гьесул лъудбилъун рукIуна, ратIалъаралги, цогидасе аралги хутIун.

Цо гIаданалъул Алжаналда чанго рос вукIине рес бугищин абуни, гьелъие жаваблъун гIалимзабаз гьаб аят бачуна (магIна): «Гьенир (Алжаналъул ахазда) рукIине руго ясгIаданал, чияр бихьиназде бер рехуларел» («Ар-РахIман», 56 аят). Гьеб аяталъе баян гьабун ТIабарияс хъвалеб буго, жиндирго росасухъ гуреб, цогидазухъ руччаби Алжаналда балагьизецин гьечIин. Гьелдаса бичIчIула, руччабазул цо рос гурев Алжаналда вукIине гьечIеблъи.

Дунялалда рукъалде инчIей гIадан йикIун ятани, Алжаналда лъадилъун йикIине йиго. Гьеб Муслимица бицараб гьаб хIадисалъ тасдикъги гьабула: «Алжаналда рукIине гьечIо гIадамал, ригьин гьабичIел», - ян. Алжаналда гьелъул агьлу цоцазе рачине руго.

Хадижат Хизриева

2026-08-01 (Сафар 1448 с.) №15.

ГӀинкъазул ва гIинда бакIазул ТӀолгороссиялъул жамгӀияталъул Дагъистаналъул регионалияб отделениялъул вакилзаби, гьелъул председатель АсхӀаб Госенакаевасул бетӀерлъиялда гъоркь, щвана Дагъистан Республикаялъул муфти, шайих АхӀмад-афандиясухъе. Данделъиялда гьалбадерица ракӀ-ракӀалъулаб баркала...

Гьаб заман буго ургъалаби гIемераб. Гьедин бугин абун, нилъ рукIине бегьуларо кидаго рахIатхун. Кинаб хIалалде кканиги, ТIадегIанав Аллагьас ﷻ кумек гьабула. Гьес ﷻ нилъ рехун толаро. Гьес ﷻ нилъее кьун буго хирияб Къуръан ракIалъе сахлъи гьабулеб ва тун руго рикIкIен гIемерал насихIатал хьул...

Руччабазул гӀемер гьикъулеб суал буго Алжаналда рукIунел хIурулгIинзабазул хӀа-къалъулъ. ГӀемерисезе бокьуларо росас цоги лъади ячине, ахираталда гьесие щвезе рес бугей хIурулгIин гьей ятанигицин. Кинниги Аллагь гIадилав вуго. РитӀухъаб гӀумру гьабурал, БетIергьан разияб хIалалъ хьвадарал...

Аварагзабазул тIабигIа-таздасан ккола хIилму ва гурхIи. Аллагьас ﷻ Аварагасдехун абулеб буго: «Дуца гIадамаздехун гьабулеб гIамалалъулъ бигьаяб, хIеренаб нух тIаса бище ва жагьилал гIадамаздасаги вусса», ай гьез гьабуралда релълъараб ахIмакъаб гьабугейин ва гьезул рагIи-гIамал гIадахъги...

МахӀачхъалаялда тIобитIана «Журналистазул вацлъиялъулаб кубок» абураб цIаралда гъоркь мини-футбол хIаялъул рахъалъ турнир. Байбихьуда ННТ команда, ГТРК «Дагестан» командаялдасаги бергьун, борчIана плей-оффалде ва гьенибги медиакомандаялдаса 5:2 хӀисабгун бергьана. Финалалда гьел дандчIвана...

Цогидасе унге...