Аслияб гьумералде

Нилъ киналго Аллагьас рижарал руго, ахир Гьесде руссунелги руго

Нилъ киналго Аллагьас рижарал руго, ахир Гьесде руссунелги руго

Нилъ киналго Аллагьас рижарал руго, ахир Гьесде руссунелги руго

Гьал къоязда гIумруялдаса ватIалъана Гъуниб районалъул КIуяда росулъа РФялъул ва ДРялъул Хъвадарухъабазул союзалъул член, журналист ва педагог, ГIурала мажгиталъул будун, гьебго мухъалда «Ас-салам» казияталъул вакил ва мухбир, лъикIав муъминчи МухIаммад ХIасанов.

 

МухIаммад ГIалиханович кинав чи вукIаравали бицуна гьес нахъе тараб адабияталъул ирсалде балагьани. Жиндир хIал алжаналъуб батаяс хIаракат бахъулаан кинаб лъугьа-бахъин кканиги, гьелда сверухъ назмуялдалъун жиндирго пикраби загьир гьаризе. Гьев ккола чанго назмабазул тIехьалъул авторги.

Гьелдаго цадахъ гьев вукIана кутакалда жигарав жамгIияв хIаракатчиги. Кинаб мажлис ГIурала тIобитIулеб бугониги, гьеб гIуцIулеб къокъаялда гьоркьоса камулароан МухIаммад.

«Ас-салам» казияталъул редакциялъ ракI унтараб зигара балеб буго МухIаммад ХIасановасул васал - «ХIакъикъат» казияталъул бетIерав редактор ХIасанов Темирханида ва ГIурала гьоркьохъеб школалъул завуч ХIасанов НурмухIаммадида, гIага-божаразда ва росдал жамагIаталда лъикIав муъминчи МухIаммад ХIасанов камиялда бан.

Аллагьас гьев гьавеги Алжан хIакъал муъминзабаздаса. Гьесда хадур унел нилъер хвел исламалда гьабеги! Амин!

 

«Ас-салам» казияталъул редакция

2026-09-15 (РабигIул ахир 1448 с.) №18.


Цоцазе мисал

Нилъер хъизам букIине ккола сахлъи бугеб щулияб жамгIияб гIуцIилъун. Рокъоб гIадлу гьечIони, хъизан-лъималаз гIумру гьабизе гьечIо исламалда рекъон, бажаризе гьечIо гьел лъикIал бусурбабилъун лъугьинарун.   Аслияб масъала буго Аварагасул ﷺ уммат гьоркьоса къотIичIого цIикIкIунеб хIал...


Сапаралда кинав вукIарав Авараг ﷺ?

Сапар буго инсанасул гIумруялъул цо бутIа. Муъминзабазе гьеб ккола Аварагасдаса ﷺ мисал босун ТIадегIанав БетIергьанасде ﷻ гIагарлъизе рес щвейги. Нилъер Аварагас ﷺ нухда кинаб хьвада-чIвади букIине кколебали малъа-хъваял гьари гуребги, жиндирго мисалалдалъунги бихьизабуна сапаралда ругелъул...


Учительзабиги кIочон течIо

Хъайтагъ районалда тӀобитӀана РабигIул аввал моцӀалъе сайгъат гьабураб гӀелмияб мажлис. Гьелда гӀахьаллъана районалъул бетӀер ХӀасанов Запир; районалъул имамзабазул советалъул председатель - Салимов ГӀабдулла; Югалъулаб территориалияб округалда Дагъистан Республикаялъул муфтияталъул вакил Рамазанов...


Президентас ХасмухIаммадида баркана

Россиялъул президент Владимир Путиница баркана Дагъистаналъул хӀурматияв инсан, 95 сон тӀубарав ХасмухӀаммад Абубакаровасда гьавураб къо. Дагъистаналъул кӀудияв эменин абула гьесда гьев лъалел чагӀаз. Гьесул гӀумру буго къвакӀиялъул ва исламалъе хъулухъ гьабиялъул мисаллъун. Гьес гӀумру гьабуна...


Ахиралде щвана

Баракатаб РабигӀул аввал моцӀ ахиралде щвана. Гьаб моцӀги Авараг ﷺ гьавураб къоги, цогидал моцӀал гӀадин нилъеца тӀобитӀичIо. Цогидаб заманалде ккун гьаб моцIалъ чияс дагьаб бугониги цӀалун батани Аварагасул ﷺ хӀакъалъулъ, абизе бегьула гьес хайир босанин.   ГӀумруялъ гьесул хӀакъалъулъ цӀаланиги...