ХIажат тIубаялъе

БетIергьан Аллагьас рахI-матлъун кьун буго халкъалъе, хасго инсанияталъе гIемераб нигIмат. Дунялалда кинабго жоги гIуцIун буго сабабазда хурхинабун. Къуръаналъул аятазда ва сурабазда гъорлъ руго нилъее сабаб-кумекалъе хIалтIизаризе бегьулел бакIал. Гьездасан ккола нилъеца какилъ цIалулеб суратул «ФатихIат».

МухIидинил ГIарабиясдасан бицун буго, жиндир цониги хIажат бугев чияс маркIачIул как ва гьелъул ратибат бан хадуб гIодов чIараб бакIалдаса тIаде вахъинчIого кIикъого нухалда суратул «ФатихIат» цIалани, хадуб гьаб дугIаги гьабуни: «Илагьи гIилмука кафин гIани ссуали икфини бихIакъил фатихIати суълан. Ва карамука кафин гIанил макъали акримни бихIакъил фатихIати макъалан ва хIассил ма фи замири», - абун, цинги гьелда хадуб жиндирго хIажатги гьарани, Аллагьас гьеб тIубалин абун. Гьелъул хIалбихьана чанго нухалъилан хъвалебги буго.

Бичасул Аварагас ﷺ абуна: «ФатихIатул китаб» ккола муъминзабазул къасдал рагьулеблъун. Какичуриялда вукIаго анкьго къоялъ 70 нухалъ цIалун бацIцIадаб лъеде тIаде пуни, цинги гьеб гьекъани, Аллагьас гьесие кьола гьеб ФатихIаталъул хиралъиялдалъун хIикматгун гIелму. Гьесул ракIги бацIцIад гьабула мекъал пикрабаздаса. Жеги гьев цIодоравлъунги гьавула, жинда рагIараб жо киданиги кIочонаревлъун», - ян.

Суратул «ФатихIаталъул» хаслъабаздасан ккола, рогьалил паризаябги суннатабги каказда гьоркьоб 41 нухалда унтараб бералде гьеб цIалани, Аллагьасул изнуялдалъун гьеб хехго сахлъила. Гьелъул хIалбихьана ва битIараблъун батана. Гьелъулъ бугеб хIикматги бугин буго унтарасулги цIалулесулги гьелъул сабаб ккеялде щулияб игIтикъад букIин.

Гьебго къадаралда унтараб гIусалде цIалани, гьебги сахлъила. Гьединго сапаралъ унесул гъванщида кверги лъун гьебго къадаралъ цIалани, гьеб сапаралда БетIергьанас гьев цIунила ва берцинго рокъове тIадвуссун вачина.

Гьелъулго хаслъабаздаса ккола, унтараб бакIалда кверги лъун, анкьго нухалъ суратул «ФатихIатги» цIалун гьелда хадуб гьаб дугIаги анкьго нухалъ гьабуни: «Аллагьумма азгьиб гIанни суа ма ажиду ва фухIшагьу бидагIвати набийика МухIаммадин ﷺ алмубаракаил Амини гIиндака», - абун, Аллагьас гьев чи сах гьавила.

ГIабдуллагь МухIаммадов

2026-06-01 (ЗулхIижа 1447 с.) №11.

ГIадамазда гьоркьов бищун къадруяв хирияв МухIаммад авараг ﷺ гьавуна Маккаялда, милладияб календаралда рекъон, 571 соналъул рабигIул авал моцIалъул 12 къоялъул рогьалилъ. Гьеб сон гIарабазда гьоркьоб лъалаан пилалъул сон абун, щайгурелъул, Йеменалъул хIаким Абрагьат КагIба биххизабизе...

ХIинкъаби кьолел руго Дир росас гьоркьоса къотIичIого хIинкъаби кьолел руго ратIалъизе ругинги абун. Гьев нахъе къаларо лъималазда цеве дун какизеги. Гьес гIемер абула дун эбел-инсухъе йитIизе йигин «цIидасан тарбия кьезе». Дун свакан йиго гьесул къул-къудиялдаса. Росасул...

Ццим бахъин ккола инсанасул тIабигIияб рекIел хIал, нилъер диналда жибги муъминчиясе кIудияб хIалбихьилъун рикIкIунеб. Ццим бахъун лъугьараб заманалда жиндаго тIад кверщел гьабизе бажари ккола, хирияв Аварагас ﷺ абураб кинниги, черхалъул загьирияб гуреб, унго-унгояб къуваталъулаб (рухIияб)...

ХIурматиял бусурбаи, арал къоял рукIана хIежгун гIумра гьабулеб заманалъул. ХIежалъул заманалда гьенире ракIаранщинал гIадамал рукIуна цого ратIлилъ. Гьенив ватIа вахъуларо бечедавгун мискинав, миллат ва тIомол кьералъухъ балагьуларо. Гьелъул мисал буго ГIарас-майданалде бахъинабураб...

Къуръан ккола дунял бижаралдаса хадуб лъугьарал мугIжизатазул бищун кIудияблъун. Гьедин букIиналъе далиллъунги ккола гьелъул гIуцIи гIакълуялъ къабул гьабулеблъун ва жибги пикру гьабизелъун бихьизабураб букIин. Руго жеги кIуди-кIудиялги мугIжизатал, амма гьел рукIана заман бихьун, бакI бихьун...

ХIажат тIубаялъе