Калам къокъал, магIна гъ варидал аварагасул ﷺ рагIаби
Бичасул аварагас ﷺ абуна: – Дуца дунял рехун те – мун Аллагьасе вокьила. ГIадамазда кодоб бугеб жоялдаса инкар гьабуни – гьезие мун вокьила.
– Нужерго хIажатазе квербакъи тIалаб гьабе – гьеб балъго гьабиялдалъун. НигIмат жиндие щваравщинав жиндехун цогидаз хIасад гьабулев вуго.
– Щибаб махщалие гьелъул агьлуялдаса кумек тIалаб гьабе.
– Дурго ракIалда цIехе, гIадамаз дуда кин малъаниги, кигIан гьез малъаниги.
– Мун мутIигIлъе – дуеги мутIигIлъила.
– Дуца бигьалъи гьабе – дуеги гьединго гьабила.
– Дир асхIабзаби цIвабзазда релълъун руго, гьезул кинасда хадур рилълъаниги нуж ритIун ккела.
– ГIакъуба бищунго хехго щолеб жо буго цогидазда тIад зулму гьаби.
– Дур бищунго кIудияб тушман кIиябго хьибилалда гьоркьоб бугеб напс буго.
– ГIадамазул бищунго мунагь цIикIкIарал ккола – мекъаб жоялде гьоркьоре лъугьин гIемерал.
– ГIадамазул бищунго мунагь цIикIкIараб жо ккола – гьересияб мацI.
– Бищунго кIудияб беццлъи ккола жинда битIараб нух батун хадув гьелдаса къосин.
– ЦохIо БетIергьанасе гIоло гьабе кинабго, цогидал рахъаз гIей гьабила.
– Бищунго гIамалазул хирияб ккола – бусурбанчиясе дуца бачIинабураб рохел.
– ГIамалазул бищунго хирияб ккола – Аллагь лъаялъул гIелму.
– Бищун кIудияб жигьад – дурго нафсалде данде гьабулеб ккола.
